«Vitaluru» ŭsio horš: plus dva miljony dalaraŭ daŭhoŭ za apošnija try tydni. Tłumačym
Raniej my apisvali asobnyja detali raźbiralnictva pamiž «Vitaluram» i jaho pastaŭščykami, jakija praz sud sprabujuć viarnuć hrošy za pastaŭlenyja tavary.
U apošnija tydni paskorylisia tempy pryrostu kolkaści sudovych iskaŭ da handlovaj sietki na prymusovaje viartańnie srodkaŭ. Amal 1,3 młn biełaruskich rubloŭ zajaviła «Lidskaje piva», 1,4 młn — Hrodzienski miasakambinat. Tolki za apošnija try tydni ahulnaja suma da sudovaha spahnańnia skłała kala $2 młn.
I nazvanyja kampanii daloka nie pieršyja ŭ śpisie. Za apošnija paŭhoda pastaŭščyki akumulavali pretenzij da «Vitalura» na 10 młn biełaruskich rubloŭ.
Pradstaŭniki biznesu źviazvajuć prablemy z pastaŭščykami z peŭnymi inviestycyjami, jakija robić sietka.
U čym sprava? Jak kažuć abaznanyja, «Vitalur» damoviŭsia z «Danaj» na toje, kab vykupić handlovyja płoščy ŭ rajonie «Minsk Śviet» na terytoryi staroha aeroporta. Jany źbirajucca stać daminujučaj sietkaj u novym rajonie, kuplajuć płoščy pa 1500 jeŭra za mietr.
Staryja kramy ŭ niaŭdałych miescach sprabujuć pradavać, ale nie atrymlivajecca. Banki nie kredytujuć «Vitalur» pad hetuju damovu z «Danaj», tamu jany faktyčna apłačvajuć jaje sa srodkaŭ pastaŭščykoŭ, i heta tłumačyć toje, što jany nie mohuć raźličycca z pastaŭščykami. Pa słovach surazmoŭcaŭ «NN», robiać jany heta ŭ spadziavańni, što pašyracca, narod masava pojdzie ŭ novyja kramy, i jany daŭhi addaduć. A niaŭdałyja płoščy ŭsio adno niekali pradaduć.
Heta niepryhožaja, ale dziejsnaja stratehija.
«Hrošy, jakija pavinny pajści na apłatu niekatorym pastaŭščykam, vykarystoŭvajucca jak biaspłatny kredyt — ty imi karystaješsia i nie płaciš pracenty, — tłumačyŭ «NN» abaznany čałaviek. — Tak, pastaŭščyk niezadavoleny terminami apłaty, jakija mohuć siahać niekalkich miesiacaŭ zvyš damoŭlenaha.
Nu, ale nie ŭsie pojduć u sud z-za praterminoŭki, viedajučy čarhu na raźlik, a buduć sprabavać damovicca kułuarna, kab vypłata adbyłasia. I jana, chutčej za ŭsio, adbudziecca, prosta kali hetymi hrašyma ŭžo pakarystajucca. Heta toje, jak ja heta baču, viedajučy praktyku dziejańniaŭ u hetaj śfiery».
Usio zdaryłasia na Novy hod. Śmierć samaj publičnaj supracoŭnicy minskaha AMAPa dahetul pakidaje pytańni14
Kamientary