Apytańnie kaža pra rekordnuju niezadavolenaść Šolcam u FRH. Najchutčej sprava ŭ pazicyi pa Ukrainie
Kala 49% respandentaŭ u FRH niezadavolenyja pracaj kiraŭnika Kabinieta ministraŭ, vynikaje z sacapytańnia instytuta Insa. Heta maksimalny pakazčyk z momantu ŭstupleńnia palityka na pasadu ŭ śniežni 2021 hoda.
Niezadavolenaść kancleram FRH, sacyjał-demakratam Ołafam Šolcam (Olaf Scholz) dasiahnuła siarod žycharoŭ Hiermanii maksimalnaha ŭzroŭniu z momantu jaho ŭstupleńnia na pasadu 8 śniežnia 2021 hoda. Heta vynikaje z sacapytańnia instytuta Insa pa zamovie hiermanskaha vydańnia Bild. Vytrymki z daśledavańnia apublikavanyja ŭ subotu, 16 krasavika, piša DW.
Ab tym, što jany niezadavolenyja pracaj kiraŭnika kabinieta ministraŭ FRH, zajavili 49% respandentaŭ (38% zadavoleny). Fiederalnym uradam niezadavolenyja 55% apytanych (35%, naadvarot, z zadavalnieńniem staviacca da dziejnaści Kabinieta ŭ cełym).
Pry hetym, kali b vybary ŭ bundestah adbylisia ŭ bližejšuju niadzielu, to apazicyjny błok z Chryścijanska-demakratyčnaha i Chryścijanska-sacyjalnaha sajuzaŭ (CHDS/CHSS) nabraŭ by (jak i tydniem raniej) 26%. U sacyjał-demakratyčnaj partyi Niamieččyny było b 25% (jana b raźmiaściłasia tolki na druhoj pazicyi). «Sajuz-90»/ «Zialonyja» dadali b da svajho minułaha vyniku 1% (Usiaho — 17%). Pa 10% atrymali b Svabodnaja demakratyčnaja partyja i pravapapuliscskaja «Alternatyva dla Hiermanii» (-1%). Levaja partyja nabrała b 1% i dasiahnuła b adznaki ŭ 5%.
Apytańnie pravodziŭsia z 11 pa 14 krasavika, u im uziali ŭdzieł 1402 čałavieki.
Kancler FRH Ołaf Šolc aficyjna nie padtrymlivaje pastaŭku ŭ bližejšy čas ciažkaha ŭzbrajeńnia va Ukrainu. Kiraŭnik kamiteta pa spravach ES u Bundestahu Anton Chafrajtar raniej vykazaŭ mierkavańnie, što tym samym kiraŭnik Kabinieta ministraŭ škodzić nie tolki Ukrainie, ale i imidžu Hiermanii.
Kamientary