Letnija miesiacy dla biełaruskaj ekanomiki stali pieryjadam uzdymu. Pra heta zajaviŭ premjer‑ministr Biełarusi Siarhiej Sidorski 25 žniŭnia ŭ Minsku na sustrečy z dyrektaram Jeŭrapiejskaha departamienta MVF Marekam Bielkam.
«My z zadavalnieńniem zaznačajem, što viasna‑leta hetaha hoda, — a hetyja miesiacy źjaŭlajucca najbolš ciažkimi dla ekanomiki, — dla biełaruskaj ekanomiki stali miesiacami ŭzdymu», — skazaŭ premjer‑ministr.
Pieradusim, pavodle jaho słoŭ, heta adnosicca da realnaha siektara ekanomiki.
«Z pačatku hetaha hoda išło značnaje nazapašvańnie pradukcyi na składach z‑za zakryćcia vonkavych rynkaŭ. Razam z tym u mnohim sychod z tradycyjnych rynkaŭ dazvoliŭ nam u apošnija paŭhoda adkryć dla siabie 13 novych krain dla pastavak ajčynnaj pradukcyi na ekspart», — padkreśliŭ Sidorski.
Jon śćviardžaje, što z traŭnia‑červienia ŭsia pradukcyja, jakaja vyrablajecca ŭ krainie, pradajecca ŭ poŭnym abjomie za miežy krainy.
«Idzie pastajannaja razhruzka składoŭ. My ŭpeŭnieny, što krok za krokam da kanca hoda vyjdziem na antykryzisnyja ŭmovy, na narmatyvy pa reštkach pradukcyi na składach», — zaznačyŭ premjer‑ministr.
Sidorski padkreśliŭ, što pa ŭzhadnieńni z MVF u Biełarusi pravodzicca žorstkaja hrašova‑kredytnaja i biudžetnaja palityka. «My značna skaracili našy biudžetnyja raschody. Urad pracuje tolki pa tych artykułach, jakija nieabchodnyja dla vykanańnia abaviazacielstvaŭ urada», — padkreśliŭ premjer‑ministr.
«My aktyŭna pracujem ź inflacyjaj.
U studzieni było pryniata rašeńnie pa pavieličeńni taryfaŭ, što vyklikała rost inflacyi, ale ŭ apošnija miesiacy nam udałosia stabilizavać hetyja pracesy. Inflacyja na ŭzroŭni 0,3—0,4% u miesiac — heta toj uzrovień, jaki płanavaŭ urad u antykryzisnaj prahramie. Pryčym heta adbyvajecca pry roście ekanomiki, pryciahnieńni inviestycyj, značnym skaračeńni biudžetnych raschodaŭ», — zaznačyŭ Siarhiej Sidorski.
Kiraŭnik urada pryznaŭ, što ŭ ekanomiki Biełarusi «jość prablemy, i prablemy značnyja, jakija my majem nie tolki ŭnutry ekanomiki, ale i na našych tradycyjnych rynkach».
«My sutyknulisia z tym, što pałovu našaha ekspartu, jaki my tradycyjna pastaŭlali ŭ Rasiju, siońnia vymušany ekspartavać u trecija krainy. Nam patrebny pierachodny pieryjad, i pažadana, kab jon byŭ bolš stabilnym dla našaj ekanomiki», — patłumačyŭ Sidorski.
«Biezumoŭna, dapamoha MVF u hetych umovach adyhryvaje dla nas vielmi važnuju rolu. Chaču vykazać udziačnaść ekśpiertam, jakija pracujuć z našaj krainaj. Heta prafiesijanały, jakija va ŭmovach suśvietnaha finansavaha kryzisu dapamahajuć nam prymać dakładnyja ŭzvažanyja rašeńni», — zaklučyŭ premjer‑ministr.
Ciapier čytajuć
Biełaruska nabiła na ciele partrety Łukašenki i jaho synoŭ, Umki, Pucina dy Si Czińpina12
Kamientary