Stvorany funkcyjanał dla dapamohi ŭ pracaŭładkavańni byłych palitviaźniaŭ i ich svajakoŭ
Pravaabarončaja inicyjatyva dissidentby uviała na svaim resursie funkcyjanał dapamohi tym, chto paciarpieŭ u Biełarusi ad kryminalnaha palityčnaha pieraśledu z boku dyktatury. Jon dastupny jak dla byłych palitviaźniaŭ, tak i ich najbližejšych svajakoŭ (kali sam viazień u źniavoleńni).
Pravaabaroncy kanstatujuć, što kryminalny pieraśled nanosić ciažki ŭdar pa psichičnym i fizičnym zdaroŭi čałavieka, zdolny pastavić na miažu vyžyvańnia siamju dysidenta abo navat razburyć jaje. Nieadjemnaj častkaj represij źjaŭlajecca sproba vyrvać čałavieka z socyuma, pazbavić mahčymaści atrymlivać adukacyju, pracavać, samarealizoŭvacca ŭ roznych śfierach.
A pakolki tak zvany «voŭčy bilet» čaściakom stvaraje vielizarnyja ciažkaści ŭ ramkach banalnaha pracaŭładkavańnia dla byłych palityčnych źniavolenych ci členaŭ ich siemjaŭ, to im vyrašyli pa miery mahčymaści supolnymi vysiłkami dapamahać.
«Pakidajcie svaje reziume ŭ adpaviednym raździele, dzie my i ŭsie nieabyjakavyja ludzi zmohuć adhuknucca i prapanavać dapamohu, bo hałoŭny pryncyp našaj pracy — haryzantalnaje supracoŭnictva i salidarnaść» — zaklikaje inicyjatyva.
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ20
Kamientary