U Kijeŭskaj, Žytomirskaj i Rovienskaj abłaściach Ukrainy zabaroniena nabližacca da miažy ź Biełaruśsiu. Cyvilnym asobam zabaraniajecca padychodzić da miažy bližej, čym na 1 km. Adzinyja, dla kaho zroblenaje vyklučeńnie, — žychary nasielenych punktaŭ, jakija znachodziacca ŭ niepasrednaj blizkaści ad miažy, paviedamlaje Dziaržaŭnaja pamiežnaja słužba Ukrainy.
Abmiežavańnie dziejničaje z 23 maja i budzie praciahvać dziejničać da zakančeńnia vajennaha stanovišča. Uviedzienyja jany «z-za ŭzbrojenaj ahresii Rasijskaj Fiederacyi i dla zabieśpiačeńnia mieraŭ umacavańnia nacyjanalnaj biaśpieki i abarony Ukrainy».
U rajonach, jakija miažujuć ź Biełaruśsiu, zabaroniena:
- znachodzicca pa-za nasielenymi punktami z 22.00 pa 5.00;
- zachodzić u lasy;
- arhanizoŭvać palavańnie, rybałku i adpačynak na pryrodzie;
- zdymać na videarehistratary i inšyja hadžety darohi i abjekty infrastruktury;
- pieravozić zbroju i srodki aktyŭnaj abarony biez dazvołaŭ;
- vykarystoŭvać kvadrakoptary i inšyja padobnyja aparaty.
Hetyja abmiežavańni dziejničajuć za 20 km ad miažy ź Biełaruśsiu ŭ Karaścieńskim, Sarnienskim i Varašskim rajonach i za 5 km ad miažy ŭ Vyšharadskim rajonie.
-
Pamiatajecie staršyniu Hieraldyčnaj rady, jakaja raspracoŭvała dyzajn pašparta «Novaj Biełarusi»? Mikita Zabuha pajšoŭ vajavać
-
Minčuk Žerar, kamandzir padraździaleńnia «Tur», raskazaŭ, jak adnojčy ledź nie zahinuŭ pad Mikałajevam, a druhi raz — pad Bachmutam
-
Bierbak: Bolš čym vidavočna — płan Pucina pravaliŭsia
Ciapier čytajuć
Fiodar Viktaravič i «Viktar Fiodaravič». Supracoŭnik «Varhiejminha» maje pašpart prykryćcia. Jaho žonka Volha Siamaška — viadomaja žurnalistka13
Kamientary