Biełaruski dyzajnier raspavioŭ, jak radykalna źmianiŭ siabie: zrabiŭ zuby i nos, pavialičyŭ rost, pierasadziŭ vałasy
Dyzajnier adzieńnia Apci Ezijeŭ padzialiŭsia historyjaj svajho samaŭdaskanaleńnia. U karotkim videa ŭ Tyktoku Apci pakazvaje, jak vyraŭniaŭ sabie zuby i zrabiŭ płastyku nosa — prybraŭ harbinku i zrabiŭ nos tančejšym.
Paśla adpraviŭsia ŭ spartovuju zału pracavać nad svaim ciełam. Ale Apci chacieŭ nie tolki stać bolš padkačanym, ale i pavialičyć svoj rost, tamu jon paralelna visieŭ na turniku. Dyzajnier śćviardžaje, što heta dazvoliła jamu stać vyšej na 8 santymientaraŭ, i ciapier jaho rost — 180 sm. A paśla — pierasadziŭ vałasy ŭ klinicy ŭ Stambule za $4000, pra što Apci padrabiazna raskazvaŭ raniej.
Videa sabrała ŭžo bolš za dva miljony prahladaŭ i bolš za 4000 kamientaroŭ.
Vodhuki roznyja: chtości zachaplajecca vynikam, chtości ličyć, što i raniej Apci vyhladaŭ pryvabna. Ale pasył samoha dyzajniera ŭ tym, što ŭsio mahčyma.
Zdajuć u arendu katedž zahinułaha chakieista Cypłakova ŭ Drazdach. Voś interjery FOTY19
Kamientary