Bloomberg: Biełaruś upieršyniu abahnała Hiermaniju pa pastaŭkach tavaraŭ u Rasiju
U krasaviku biełaruski ekspart u krainu vyras bolš čym na 100% i skłaŭ kala $1,5 młrd, paviedamlaje «Błumbierh», spasyłajučysia na svoj analiz źviestak ab mižnarodnym handli.
Dla paraŭnańnia, ekspart Hiermanii ŭ Rasiju ŭ krasaviku skaraciŭsia da prykładna $800 młn. Takim čynam, Biełaruś upieršyniu abahnała Hiermaniju (čyja ekanomika ŭ 60 razoŭ bolšaja za biełaruskuju) pa pastaŭkach tavaraŭ u Rasiju.
Uvieś zamiežny impart u Rasiju pa stanie na krasavik źniziŭsia prykładna na 60-80% u paraŭnańni z krasavikom 2021 hoda i lutym 2022-ha, piša Bloomberg sa spasyłkaj na danyja banka «Otkrytije».
Pastaŭki ŭ Rasiju z krain, na jakija ŭ 2021 hodzie prypadała amal pałova impartu, u krasaviku źnizilisia prykładna na 40% u paraŭnańni z tym ža pieryjadam hodam raniej. Heta adnosicca ŭ tym liku i dla pastavak z Kitaja, jaki nie ŭvodziŭ sankcyi suprać RF.
«Rynak praktyčna pavaliŭsia [hetaj viasnoj]. Siońnia vielmi składana pryvieźci hruz ź Jeŭropy, časam amal niemahčyma», — zajaviŭ ahienctvu Andrej Pabiažymaŭ, kiraŭnik adździeła mižnarodnaj łahistyki słužby dastaŭki SDEK.
Ciapier čytajuć
Top sučasnych elitnych žyllovych kompleksaŭ Minska. Kvadrat tam kaštuje da 11 000 dalaraŭ1
Kamientary