Milicyjant, jaki paciarpieŭ u Škłoŭskim RAUS, kali na dopycie mužčyna ŭčyniŭ padpał, pamior u balnicy
Pamior apieratyŭny ŭpaŭnavažany adździaleńnia kryminalnaha vyšuku Škłoŭskaha RAUS, jaki atrymaŭ surjoznyja apioki tydzień tamu padčas nadzvyčajnaha zdareńnia, kali na dopycie mužčyna padpaliŭ siabie.
Pra heta raspaviali Zerkalo.io krynicy ŭ Škłoŭskaj balnicy i miascovyja žychary. Pa ich słovach, siońnia ŭ rajcentry prajšło pachavańnie, u horadzie vystaŭlenyja pasty DAI.
Kab udakładnić detali, žurnalisty patelefanavali ŭ dziažurnuju słužbu rajadździeła, razmova atrymałasia nastupnaj:
— Jość infarmacyja, što siońnia chavajuć zahinułaha supracoŭnika.
— I? Chto vam daŭ takuju infarmacyju? My takuju infarmacyju vam dać nie možam, ja nie baču, z kim havaru.
— Moža być, vy možacie paćvierdzić, zahinuŭ jon ci žyvy?
— Nie možam paćvierdzić.
Taksama žurnalisty patelefanavali ŭ dziažurnuju słužbu UUS Mahiloŭskaha abłvykankama, pradstaviŭšysia žycharami Škłova, i spytali, u kolki budzie prachodzić pachavańnie. Tam adkazali, što «ŭžo ŭsio adbyłosia».
Zahinułaha milicyjanta zvali Dźmitryj Chadarenka, jamu było 27 hadoŭ. 6 červienia supracoŭnik Škłoŭskaj CRB na ŭmovach ananimnaści raspaviadaŭ, što chłopiec lažaŭ u reanimacyi i nie prychodziŭ u prytomnaść, jaho pieraviali na lačeńnie ŭ Minsk, u Respublikanski apiokavy centr.
Žurnalisty sprabavali źviazacca z bratam Chadarenki, adnak nie atrymali adkazu. Sam małady čałaviek raspaviadaŭ, što ŭładkavaŭsia ŭ rajadździeł u žniŭni 2017 hoda, pryjšoŭ tudy paśla instytuta MUS, «možna skazać, vykanaŭ dziciačuju maru».
Nadzvyčajnaje zdareńnie adbyłosia ŭ aŭtorak, 31 maja. Jak paviedamlali našy krynicy, padčas dopytu mužčyna ŭ kabiniecie padpaliŭ siabie i supracoŭnika rajadździeła, sam jon zahinuŭ, a milicyjanta dastavili ŭ balnicu. Pavodle źviestak Ministerstva achovy zdaroŭja, jon atrymaŭ 76% apiokaŭ cieła. SK aficyjna paćviardžaŭ incydent, u viedamstvie paviedamlali, što ŭ rajadździeł dastavili dla razboru žychara Mahilova, «adbyłosia ŭzharańnie kanfiskavanaj majomaści», u pracoŭnym kabiniecie pačaŭsia pažar. Pravodzicca pravierka.
Ciapier čytajuć
Babaryka: Kali b my pieramahli — vajny va Ukrainie nie było b6
Babaryka: Kali b my pieramahli — vajny va Ukrainie nie było b
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»55
Kamientary