Vydatki na abaronu ŭ 2009 składuć usiaho $0,64 młrd. Dla paraŭnańnia: u Polščy biudžet Minabarony składaje 8,3 młrd dalaraŭ. Piša Barys Tumar.
Vydatki na abaronu ŭ 2009 składuć usiaho $0,64 młrd. Dla paraŭnańnia: u Polščy biudžet Minabarony składaje 8,3 młrd dalaraŭ. Piša Barys Tumar.
Adsutnaść naležnaj strachoŭki na raźbity ŭ Radamie Su-27 i viersija pra ekanomiju na palivie jak pryčynu katastrofy nahadali pra vyklučnuju biednaść Ministerstva abarony Biełarusi. Biednaść, što nie afišujecca. Zamoŭčvańnie maje pad saboj ideałahičnyja padstavy.
Navat u paraŭnańni z susiedniaj Polščaj, dzie našy asy pakazvali svoj kłas, raschody Biełarusi na abaronu vyhladajuć bolš čym ščupłymi.
Vydatki na abaronu ŭ 2009 składuć, u adpaviednaści ź dziaržbiudžetam, 1,73 trłn rub. Heta ŭsiaho $0,64 młrd, kali pieraličyć pa siaredniehadavym kursie. Dla paraŭnańnia: u Polščy biudžet Minabarony składaje 8,3 młrd dalaraŭ.
Biudžet abarony, 2009, $ młrd
Biełaruś – 0,64
Polšča – 8,3
Vajskovyja vydatki, na dušu nasielnictva, $, 2008
Biełaruś – 70
Polšča – 203
Krainy ES, členy NATO 410.
Za minuły, 2008 hod,
Biełaruś vytraciła na ŭtrymańnie armii 70 dalaraŭ u pieraliku na dušu nasielnictva, tady jak Polšča — 203.
Sprava tut nie ŭ miralubstvie adnych i militaryźmie druhich — akurat-taki polski prezident nie lubić krasavacca ŭ mundziry ź vialikimi zorkami. Sprava ŭ biednaści našaj krainy. Łukašenkaŭskija ŭłady spačatku «ŭratavali krainu ad šokavaj terapii», a paśla i ad «chaosu, anarchii i niestabilnaści». U vyniku krainaj kiruje toj samy čałaviek, ale Biełaruś, jakaja ŭ 1990 hodzie abhaniała Polšču pa abjomie VUP na dušu nasielnictva, siońnia bieznadziejna adstaje.
Łukašenka abvinavačvaŭ apazicyju, što jana «choča razvalić armiju». Apazicyja nie mieła mahčymaści adkazać, da telebačańnia jaje nie padpuskajuć. Dy znoŭ ža, majem prykład Polščy.
U Centralnaj Jeŭropie 20 hadoŭ tamu ŭładu ŭziali siły, blizkija pa pohladach da biełaruskich niezaležnikaŭ. Usiudy vojski pieražyli madernizacyju. U kazarmy pryjšoŭ «šviedski stoł», finansujucca zakupy techniki i materyjałaŭ.U Biełarusi ž realnaje finansavańnie armii, jak i sacyjalnych prahramaŭ, časta padmianiaje prapahandysckaja traskatnia.
Vyniki rasśledavańnia avaryi ŭ Radamie pakul nieviadomyja. Adnak prablema navidavoku.
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie31
Kamientary