U Biełharadzie znoŭ čuli «chłapki» — razburanyja damy, zahinuli ludzi
Hubiernatar Biełharadskaj vobłaści Rasii Viačasłaŭ Hładkoŭ zajaviŭ, što ŭ Biełharadzie była sieryja «hučnych hukaŭ» i, jak miarkujecca, tam spracavała SPA.
«Paŭhadziny tamu ŭ Biełharadzie była čutnaja sieryja hučnych hukaŭ. Haryć pryvatny žyły dom pa vulicy Majakoŭskaha, 23… pryčyny zdareńnia vyśviatlajucca, jak miarkujecca spracavała SPA», — zajaviŭ hubiernatar.
Paśla Hładkoŭ paviedamiŭ, što try čałavieki zahinuli, a paciarpieli čaćviora. Jość častkovyja razbureńni 11 šmatkvaternych damoŭ. Prynamsi 39 pryvatnych žyłych damoŭ razburanyja častkova, ź ich 5 — całkam.
Uzbrojenyja Siły Ukrainy nanieśli «naŭmysny ŭdar» pa žyłych kvartałach Biełharada tryma balistyčnymi rakietami «Točka-U» z kasietnymi bojeprypasami, zajaviła Minabarony RF.
Jak śćviardžajuć u viedamstvie, usie rakiety byli źniščany srodkami SPA, adnak abłomki adnoj ź ich ŭpali na žyły dom.
Ukraincy vybuchi ŭ Biełharadzie pakul što nie kamientavali.
Kamientary