Губернатар Белгарадскай вобласці Расіі Вячаслаў Гладкоў заявіў, што ў Белгарадзе была серыя «гучных гукаў» і, як мяркуецца, там спрацавала СПА.
«Паўгадзіны таму ў Белгарадзе была чутная серыя гучных гукаў. Гарыць прыватны жылы дом па вуліцы Маякоўскага, 23… прычыны здарэння высвятляюцца, як мяркуецца спрацавала СПА», — заявіў губернатар.
Пасля Гладкоў паведаміў, што тры чалавекі загінулі, а пацярпелі чацвёра. Ёсць частковыя разбурэнні 11 шматкватэрных дамоў. Прынамсі 39 прыватных жылых дамоў разбураныя часткова, з іх 5 — цалкам.
Узброеныя Сілы Украіны нанеслі «наўмысны ўдар» па жылых кварталах Белгарада трыма балістычнымі ракетамі «Точка-У» з касетнымі боепрыпасамі, заявіла Мінабароны РФ.
Як сцвярджаюць у ведамстве, усе ракеты былі знішчаны сродкамі СПА, аднак абломкі адной з іх ўпалі на жылы дом.
Украінцы выбухі ў Белгарадзе пакуль што не каментавалі.
Цяпер чытаюць
Жанчыны ў ахове і браняваны картэж. Як Украіна арганізавала бяспеку візіту Ціханоўскай у Кіеў7
Каментары