Juryj Čyž za kratami ŭžo bolš za hod. I paśpieŭ pabyvać u «Navinkach»
Z 15 sakavika minułaha hoda siadzić u SIZA biznesmien Juryj Čyž. Za hety čas jon jaŭna staŭ biadniejšym, pabyvaŭ u «Navinkach» i padaŭ zajavu na kamisiju pa pamiłavańni, jakaja jamu nie adkazała.
Čyža zatrymali pa viartańni z Maskvy. Da taho jon paśpieŭ pierapisać dom u Drazdach na niaviestku i tanuŭ u sudach, dzie byłyja partniory i kontrahienty patrabavali ad jaho vypłat pa daŭhach.
«Da zatrymańnia jon nasamreč byŭ u kiepskim psichałahičnym stanie i navat pierastaŭ razmaŭlać z synam, padazrajučy jaho ŭ zdradzie», — skazaŭ «Našaj Nivie» siabar Čyža.
Sens kryminalnaj spravy pierahukaŭsia z raniejšaj kryminalnaj spravaj suprać Čyža ŭ 2016-m — kali jaho zatrymlivali pa padazreńni va ŭchileńni ad spłaty padatkaŭ i zboraŭ u asabliva bujnym pamiery.
Čytajcie taksama: Zatrymany Juryj Čyž. Padrabiaznaści
Tady sprava da suda nie dajšła, bo Čyž pryznaŭ vinu i pahadziŭsia kampiensoŭvać škodu hady napierad. Ale Čyž pa abaviazacielstvach nie płaciŭ, chacia asobnyja jašče «žyvyja» jaho biznesy prynosili hrošy.
U biznes-kołach papularnaja dumka, što nasamreč Čyža kašmarać pa pryčynie nibyta schavanaha niedzie za miažoj miljarda dalaraŭ, jaki treba viarnuć u Biełaruś.
Čytajcie taksama: Krynicy: Čyža kašmarać, bo ličać, što jon schavaŭ miljardy, jakija treba viarnuć u Biełaruś
U lubym razie, za hod za kratami Čyž prykładaŭ namahańni dla taho, kab skinuć ź siabie farmalnyja pretenzii.
U pryvatnaści, jon «zakryŭ» staruju historyju ź Japryncavym i Čukisavym, jakim pavinien byŭ hrošaj. Ale hetaha pa nieviadomych pryčynach nie chapiła dla vychadu.
Čytajcie taksama: Kaniec historyi pra sudovych vykanaŭcaŭ i Čyža: były aliharch pryznaŭ doŭh, a raźlik praviali pa chitraj schiemie
«Kamisija pa pamiłavańni, kudy jon napisaŭ list paśla pahašeńnia doŭhu pierad Čukisavym-Japryncavym, jašče nie adkazała. Siadzić», — kaža nam abaznanaja krynica.
Za čas znachodžańnia ŭ izalatary Čyž paśpieŭ ciažka pierachvareć kavidam, a taksama, jak śćviardžajecca, pabyvać u psichanieŭrałahičnym adździaleńni ŭ «Navinkach». Čamu jaho tudy adpraŭlali — pakul nieviadoma.
Kali budzie pryniata rašeńnie kamisii ab pamiłavańni, nieviadoma.
Vialikaja hutarka z Alinaj Koŭšyk — pra intervju z Padsasonnym, skandał z Kulejem i reformy na «Biełsacie»13
Kamientary
adkryjcia ščot
https://nashaniva.com/ru/294731
a vot tut osobo antiresna...
bo na mienia moj śviekr uśpieł pieriepisať tolko svoj nieprofieśsionalizm i hałopieridoł.
nie drukujcie.
bo heta zusim nie śmiešna
dyk vy skažycia jak
srazu pierašlu jamu usie svaje imiejuščyjašysia sredstvy