Aŭtuchovič padaŭ ad słabaści i prasiŭ vyklikać chutkuju, sudździa admoviŭ sa słovami: Vam prosta treba pajeści
Mikałaj Aŭtuchovič nastolki źniasileŭ, što prasiŭ miedycynskaj dapamohi prosta na pasiadžeńni. Za heta jaho vydalili z kletki i spynili praces.
Pra źniasilenaść Aŭtuchoviča, jaki 16-y dzień praciahvaje haładoŭku, napisała ŭ instahramie jaho dačka.
«Siońnia turemny doktar znoŭ zajaviŭ, što stan baćki dazvalaje jamu ŭdzielničać u sudovych pasiadžeńniach. Advakat u čarhovy raz zajaviła chadajnictva na ahlad baćki vonkavymi lekarami, jakoje, naturalna, było adchilenaje. Analiz kryvi, jaki brali ŭ minuły čaćvier, 21 lipienia, nibyta jašče nie hatovy.
Tata (pakul jaho viali na sud) upaŭ ad słabaści i stuknuŭsia ab kajdanki», — napisała dačka Aŭtuchoviča.
Pa infarmacyi «Našaj Nivy», na pasiadžeńni 26 lipienia Mikałaj prasiŭ urača. Jon chacieŭ, kab vyklikali chutkuju dapamohu, ale sudździa Maksim Fiłataŭ admoviŭ, skazaŭšy, što Aŭtuchoviču «prosta treba pajeści».
Paśla Mikałaja Aŭtuchoviča vydalili z pasiadžeńnia i amal adrazu pieranieśli praciah pracesu.
Zaŭtra ŭ sudzie budzie pierapynak, jon praciahniecca ŭ čaćvier.
«Hrupu Aŭtuchoviča», u jakoj 12 čałaviek, sudziać pa «terarystyčnych» artykułach Kryminalnaha kodeksa. Za kratami jany znachodziacca z kanca 2020 hoda.
Aŭtuchovič 11 lipienia abviaściŭ «suchuju haładoŭku». Jon patrabuje, kab jamu pačali pieradavać listy ad svajakoŭ i inšych ludziej.
U minskim mietro prachodziać vyprabavańni novyja ciahniki FOTY3
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju2020
Kamientary
"śledčyja", mianty rychtujucca da minimum pažyćciovaha źniavoleńnia. Paśla taho, jak ułada pamianiacca treba rychtavacca da nieadkładnaje lustracyi. Ništo nie pavinna być zabyta