Paplečnica vienhierskaha premjera Orbana syšła ŭ adstaŭku praź jaho «nacysckuju» zajavu ab rasach
Daŭniaja paplečnica i daradca premjer-ministra Vienhryi Viktara Orbana syšła ŭ adstaŭku, zajaviŭšy, što jaho słovy pra nieprymalnaść źmiešvańnia jeŭrapiejcaŭ ź inšymi rasami — heta «čysta nacysckaja pramova», piša «Bi-bi-si».
«Ja nie razumieju, jak vy nie zaŭvažyli, što vaša pramova — heta čysta nacysckaja dyjatryba, hodnaja Jozefa Hiebielsa», — tak Žuža Chiehiedus patłumačyła svoj krok u liście Orbanu ab adstaŭcy.
Žuža Chiehiedus znajomaja z Orbanam 20 hadoŭ, a vienhierski premjer viadomy svaimi antymihranckimi pohladami, ale pramoŭlenyja ŭ subotu słovy pra źmiešvańnie ras zdalisia zanadta skandalnymi navat daŭniaj paplečnicy.
Orban kazaŭ pra rasavaje pytańnie ŭ subotu na zachadzie Rumynii, u rehijonie, nasielenym vienhrami. Jon skazaŭ, što narody Jeŭropy mohuć i chočuć źmiešvacca adzin z adnym, ale nie pavinny źmiešvacca ź niejeŭrapiejcami.
«My chočam źmiešvacca adzin z adnym, ale my nie chočam stanavicca narodami źmiašanaj rasy», — skazaŭ premjer.
Mižnarodny kamitet viaźniaŭ Aŭšvica nazvaŭ pramovu Orbana «durnoj i niebiaśpiečnaj», a viadučaja arhanizacyja jaŭrejaŭ Vienhryi taksama asudziła heta zajavu.
Viktar Orban, adkazvajučy svajoj minułaj paplečnicy, skazaŭ, što jana darma padazraje jaho ŭ «nacyźmie». «Ty viedaješ lepš za kaho b ni było, što moj urad u Vienhryi viadzie palityku nulavoj ciarpimaści ŭ dačynieńni da i antysiemityzmu i rasizmu», — napisaŭ jon u adkazie Žužy Chiehiedus.
Pres-sakratar Orbana Zołtan Kovač zajaviŭ, što presa razdźmuła skandał vakoł «pary žorstkich radkoŭ ab imihracyi i asimilacyi», praihnaravaŭšy pry hetym asnoŭnyja tezisy toj pramovy. Viktar Orban u subotu kazaŭ u liku inšaha pra vajnu va Ukrainie — i davodziŭ, što padtrymka Zachadu Ukrainie nie dapamahaje, što sankcyi suprać Rasii nie pracujuć, i što treba chutčej zaklučyć mir.
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju18
Kamientary