Padalak: Analiz spadarožnikavych zdymkaŭ Alenaŭki śviedčyć pra termabaryčny vybuch usiaredzinie budynka
Daradca kiraŭnika Ofisa prezidenta Ukrainy Michaił Padalak zajaviŭ, što apublikavanyja spadarožnikavyja zdymki budynka turmy ŭ akupavanaj Alenaŭcy Danieckaj vobłaści, dzie ŭtrymlivali ŭkrainskich vajennapałonnych, da i paśla vybuchaŭ, paćviardžajuć, što heta byŭ ździejśnieny Rasijaj terakt.
«Spadarožnikavyja zdymki demanstrujuć, što paškodžany tolki adzin budynak. Mienavita ŭ jaho pieraviali pałonnych prosta pierad teraktam. Analiz fota śviedčyć pra termabaryčny vybuch znutry. Udar? Nie, terakt», — napisaŭ Padalak u Tvitary, apublikavaŭšy spadarožnikavyja zdymki da i paśla vybuchu.
Media write about the "hit on Olenivka", but is there a proof?
1. Satellite images show that only one building was damaged
2. Prisoners were transferred there right before the attack
3. Photo analysis show a thermobaric explosion from the inside
A hit? No, a terrorist attack. pic.twitter.com/pPnBoQqGO5
Adzin z barakaŭ papraŭčaj kałonii ŭ pasiołku Alenaŭka Danieckaj vobłaści byŭ razburany ŭ noč z 28 na 29 lipienia. Zahinuli jak minimum 50 ukrainskich vajennapałonnych, jakich tam utrymlivali.
Prarasijskija bajeviki i Ministerstva abarony Rasii zajavili, što pryčynaj staŭ nibyta abstreł z boku ŭkrainskich siłaŭ. Ale Hienštab Uzbrojenych siłaŭ Ukrainy padkreśliŭ, što ŭkrainskija vajskoŭcy nie rabili artyleryjskich abo rakietnych abstrełaŭ Alenaŭki i abvinavacili ŭ źniščeńni ŭkrainskich vajennapałonnych rasijskich vajskoŭcaŭ.
Raniej ukrainskija ŭłady zajavili, što da hibieli vajennapałonnych mahło pryvieści zakładzienaje vybuchovaje prystasavańnie, jakoje spracavała.
Amierykanski Instytut vyvučeńnia vajny taksama śćviardžaje, što paškodžańnie, jakoje atrymaŭ budynak — «heta nie tyja paškodžańni, jakija moh by nanieści ŭdar rakietami HIMARS», jak pra heta zajaŭlaŭ rasijski bok.
Kamientary
Čto vy chotieli ot hebista, u kotoroho ruki po łokoť v krovi, dla kotoroho dažie žiźni sobstviennych hraždan ničieho nie značat, nie hovoria užie pro sosiednije hosudarstva.
No na tiermobaričieskij vzryv eto nie pochožie.
Takoj zariad počti nie imiejet brizantnoho diejstvija.
A na foto javno vidna raźbitaja stiena i kołonna, pričiem raźbitaja łokalno, vpołnie charaktierno dla obyčnych vv.