Polskija žurnalisty: Prapahandysty RF pavinny być pakaranyja jak vajennyja złačyncy
Asacyjacyja žurnalistaŭ Polščy (SDP) vypuściła zajavu, u jakoj kaža, što «rasijskich prapahandystaŭ, jakija vydajuć siabie za žurnalistaŭ, treba sudzić jak vajennych złačyncaŭ».
Zajava, padpisanaja kiraŭnikami Asacyjacyi, zaklikaje raspaŭsiudzić adkaznaść za ŭčynienyja rasijanami złačynstvy suprać mirnaha nasielnictva Ukrainy nie tolki na «bandytaŭ u rasijskaj formie», ale i na «prapahandystaŭ kramloŭskaha režymu».
«Prapahandysty nie tolki dezynfarmujuć suśvietnuju hramadskaść ab kryvavaj ahresii Maskvy suprać Ukrainy, ale i zaklikajuć da baraćby z ukraincami ŭ imia impieryjalistyčnych intaresaŭ Pucina i jaho prychilnikaŭ», — skazana ŭ zajavie.
U liku hetych prapahandystaŭ, jakija «vydajuć siabie za žurnalistaŭ», u zajavie nazvanyja Marharyta Simańjan, Uładzimir Sałaŭjoŭ, Dźmitryj Kisialoŭ i Volha Skabiejeva. Ich, siarod inšych, aŭtary zajavy zaklikajuć paśla padzieńnia režymu Pucina sudzić jak vajennych złačyncaŭ.
«Heta samyja viadomyja asoby rasijskaj prapahandy. Na žal, ich značna bolš, z ulikam taho što ŭ Rasii ciapier naohuł niama svabodnych ŚMI», — adznačana ŭ zajavie.
Jaje aŭtary padkreślivajuć, što «manipulacyi, dezinfarmacyja i, hałoŭnaje, raspalvańnie nianaviści i zakliki da zabojstvaŭ niavinnych ludziej u niezaležnaj krainie nikoli nie buduć ličycca žurnalistykaj, a centry rasijskaj prapahandy nikoli nie stanuć srodkami masavaj infarmacyi».
Minčanka pakinuła stanoŭčy vodhuk na sumku — i raptam vykryła zdradu čužoha muža17
Kamientary