Dacki vytvorca pompavaha abstalavańnia Grundfos zakryvaje svoj biznes u Biełarusi i Rasiei. Pra heta havorycca ŭ zajavie, apublikavanaj 24 žniŭnia na sajcie kampanii.
3 sakavika 2022 hoda Grundfos prypyniŭ dziejnaść u abiedźviuch krainach. Z tych časoŭ kampanija pačała skaračać piersanał i zajmacca ŭrehulavańniem adnosin z klijentami, pastaŭščykami i inšymi partniorami, «pastajanna aceńvajučy situacyju».
«Pakolki niama nijakich prykmiet taho, što situacyja źmienicca, i ŭ adpaviednaści sa svaimi kaštoŭnaściami, kampanija Grundfos pryniała rašeńnie całkam zakryć svoj biznes u Rasii i Biełarusi. Rašeńnie ab poŭnym zakryćci biznesu ŭ Rasii i Biełarusi adlustravanaje ŭ majučym adbycca abjaŭleńni vynikaŭ paŭhodździa kampanii Grundfos. Budzie paviedamlena pra značnyja adnarazovyja vydatki ŭ pamiery 851 młn dackich kron, źviazanych z zakryćciom biznesu ŭ Rasii i Biełarusi», — zajaŭlajuć u kampanii.
Grundfos pracuje ŭ śfiery vodazabieśpiačeńnia z 1940-ch hadoŭ. Pradstaŭnictva kampanii prysutničaje na biełaruskim rynku z 1995 hoda. Na rasijskim rynku vytvorca pracavaŭ 23 hady.
Kali Kanapackaja stała padkantrolnaja Łukašenku? Raskazvajuć jaje siabry2
Kamientary