Kiraŭnik MZS Ukrainy: Vizavyja sankcyi ES pavinny tyčycca i hramadzian Biełarusi
Hramadzianie Biełarusi taksama pavinny traplać pad zabaronu na vydaču viz u ES, ličyć ministr zamiežnych spraŭ Dźmitro Kuleba. Pra heta jon skazaŭ u intervju «Radyjo Svaboda».
«Biezumoŭna. Biełaruś źjaŭlajecca saŭdzielnicaj u złačynstvie ahresii, ździejśnienaj Rasijskaj Federacyjaj», — adkazaŭ Kuleba na pytańnie žurnalista adnosna taho, ci zakranuć vizavyja abmiežavańni i biełaruskich hramadzian.
Ministry ES abmiarkoŭvajuć, siarod inšaha, pytańnie vydačy turystyčnych viz rasijskim hramadzianam.
Raniej prezident Ukrainy Uładzimir Zialenski ŭ intervju haziecie The Washington Post zaklikaŭ zachodnija krainy zabaranić ujezd usim hramadzianam Rasii. Łatvija, Čechija i Estonija prypynili vydaču rasijanam šenhienskich turystyčnych viz, Finlandyja zajaviła, što abmiažuje ich kolkaść.
Niekatoryja inšyja krainy ES, naprykład, Partuhalija i Vienhryja, vykazalisia suprać takoha kroku. Ideju zabaranić vydaču viz rasijanam nie padtrymaŭ i viarchoŭny pradstaŭnik ES pa zamiežnych spravach i palitycy biaśpieki Žazep Barel. Niamieččyna taksama dała zrazumieć, što niazhodnaja ź idejaj.
U dakumientach pa «spravie Epštejna» znajšli ślady bujnych hrašovych pieravodaŭ u Minsk. Znoŭ uspłyło imia Karyny Šulak44
Kamientary