Siezon vosaŭ u razhary. Voś jak ich advadzić 

Dla bolšaści ludziej ukus asy nie strašny, ale ŭ prykładna 20 pracentaŭ z-za ŭkusu ŭźnikaje alerhičnaja reakcyja, i dla ich hetyja nasiakomyja vielmi niebiaśpiečnyja.

Chatniaja pastka dla vosaŭ

Kali vosy ŭsio roŭna dakučajuć vam na dačy, vy možacie zrabić ŭłasnuju pastku dla ich. Prosta adkrucicie korak ad płastykavaj butelki, adrežcie rylca, nalicie ŭ butelku vadu, źmiašanuju z cukram, i prykładzicie adrezanuju častku nazad. Źmiaścicie padrychtavanuju takim čynam kanstrukcyju ŭ miescy, dzie žychary doma byvajuć niačasta. Vosy, pryciahnutyja sałodkim pacham, zalatuć unutr i nie zdolejuć vylacieć.

Sačycie za ježaj i paradkam

Dobra zakryvajcie ŭsie pradukty i zachoŭvajcie ich u biaśpiečnym miescy. Niezakrytyja pradukty nie musiać lažać na adkrytych miescach. Nie pakidajcie kroški i kavałki ježy na stale, jak i śmiećcie, jakoje zastałosia ad ježy. Zatynkujcie ŭsie adtuliny, raskoliny i budaŭničyja pustečy ŭ domie, kab vosy nie mahli ŭ ich hniezdavacca.

Pastaŭcie maskitnyja sietki

Vosy lubiać budavać svaje hniozdy tam, dzie byvajuć ludzi, naprykład, vakoł terasy, u karnizach dachaŭ, a taksama na haryščach i mansardach. Pryciahnutyja sałodkimi pachami, jany imknucca ŭlacieć u dom, zvyčajna na kuchniu, i mohuć napadać na ludziej, jakija znachodziacca pobač z hniazdom. Kab jany nie mahli zalatać u dom, treba pastavić na voknach maskitnyja sietki.

Jak efiektyŭna zmahacca z vosami?

Kali vy vyjavili asinaje hniazdo blizka ad vašaha doma, vam varta jak maha chutčej likvidavać jaho. Kali vy vyrašycie zrabić heta samastojna, nie zabudźciesia pryniać usie miery zaściarohi. Nasicie prydatnuju achoŭnuju adziežu, jakaja zakryje ŭsio cieła i abaronić ad ukusaŭ. Asablivuju ŭvaha nadavajcie tamu, kab ščylna zakryć tvar, hałavu i ruki. Lepšy čas, kab razubryć asinaje hniazdo, — poźni viečar, kali vosy śpiać abo adpačyvajuć. Pamiatajcie, što čym raniej vy vyjavicie hniazdo, tym lahčej jaho likvidavać. Niadaŭna stvoranaje hniazdo pamieram z tenisny miač, a kolkaść vosaŭ u im nievialikaja.

Šukajcie hniozdy na haryščy, u haražy, u kładoŭcy, u pustečach ścien abo pad karnizami dachu. Tyja, što pabudavanyja ŭ ziamli, možna źniščyć, zaliŭšy kipieniem, a tyja, što znachodziacca ŭnutry budynkaŭ, vytrucić chimijaj typu dychłafosu.

Ale kali ŭ vas alerhija na ŭkusy, nie varta raskidvać hniazdo samastojna. Raźjušanyja vosy mohuć vas udžalić. Lepš paprasicie zrabić heta čałavieka, jakomu vosy nie strašnyja.

Čytajcie jašče:

Što zdarycca z vašym ciełam, kali štodzień jeści hrušy

Jak vyhnać drazafiłaŭ? Voś jakoha pachu jany bajacca

Jak prahnać pavukoŭ? Kali vy prymienicie hetyja chitryki, pavuki źbiahuć z vašaha domu

• 11
• 0
• 3
• 2
• 1
• 4
• 5
• 0