Hrušy mienš papularnyja, čym jabłyki, ale na hetuju sadavinu varta źviarnuć uvahu. Hrušy dziejničajuć na naš arhanizm jak multyvitaminnyja tabletki.
Vy daŭžej zachavajecie maładość
Hetaja zvykłaja nam sadavina — cudoŭnaja krynica vitaminaŭ, minierałaŭ i antyaksidantaŭ, jakija dobra zapavolvajuć praces stareńnia. Akramia taho, hetyja karysnyja rečyvy dapamahajuć našaj skury źziać i nadajuć nam zdarovy i śviežy vyhlad. Vy zaŭvažycie heta ŭžo praź niekalki dzion paśla taho, jak pačniacie časta jeści hrušy.
Stan vašych vałasoŭ i paznohciaŭ palepšaje
Hrušy, bahatyja karysnymi rečyvami, dziejničajuć na naš arhanizm jak multyvitaminnyja tabletki. Kali ŭ vas prablemy z vałasami ci paznohciami, abaviazkova ŭklučycie hetuju sadavinu ŭ svoj racyjon, bo hrušy časam mohuć dobra zamianić modnyja tabletki pryhažości.
Vy zabudziecie pra zapory
U hrušach šmat klatčatki i cukru, tamu jany dobra ačyščajuć kišačnik i pazbaŭlajuć navat ad mocnych zaporaŭ. Kali vy žadajecie vyrašyć hetuju prablemu, lepiej jeści hrušy našča.
Vy stracicie lišniuju vahu
Chacia hrušy i sałodkija, u ich adnosna mała kałoryj: u adnym płodzie prykładna 70 kiłakałoryj, bolš za 2 hramy klatčatki i šmat vady. Hruša zadavolić vaša žadańnie źjeści niešta sałodkaje, vy atrymajecie z hetaj sadavinoj šmat vady i enierhii, i pry hetym — nijakich lišnich kałoryj. Voś čamu hrušy — dobry pierakus.
Vy stabilizujecie ŭzrovień cukru ŭ kryvi
Chacia hrušy i vielmi sałodkija, jany dobra ŭpłyvajuć na ŭzrovień cukru ŭ kryvi, bo ŭ ich šmat klatčatki i antacyjanaŭ. Daśledavańnie, u jakim uziali ŭdzieł nie mienš za 200 tysiač čałaviek, pakazała, što spažyvańnie nie mienš čym 5 porcyj bahataj na antacyjany sadaviny ŭ tydzień na 23% źnižaje ryzyku raźvićcia dyjabietu druhoha typu. Kab praduchilić skački insulinu, varta jeści hrušy paśla ježy ci z praduktami, bahatymi na białki, tłuščy ci klatčatku, bo heta źnižaje ich hlikiemičny indeks.
Vy źnizicie ryzyku raku
Jość danyja, što rehularnaje spažyvańnie hrušaŭ moža źnizić šansy zachvareć na rak. Dziakujučy vysokaj kolkaści fłavanoidaŭ hrušy źnižajuć ryzyku raku małočnaj załozy, tamu žančynam ich jeści asabliva karysna. Akramia taho, śpiecyjalisty miarkujuć, što hrušy mohuć praduchilić rak lohkich, straŭnika i mačavoha puchira.
Kamientary