Vajna1111

Ukraincy ŭziali Kupiansk i padyšli da Limana. U Rasii zahavaryli pra «Mukden»

Ukrainskija vajskoŭcy apublikavali fatahrafii pavieržanaha rasijskaha trykałora pierad budynkam haradskoj rady Kupianska. Ale hałoŭnyja padziei dnia razhortvajucca paŭdnioviej, kala Limana. Ukraincy zahacili Sievierski Daniec i vyjšli da hetaha horada. Źjavilisia źviestki pra pačatak adstupleńnia rasijskich vojskaŭ ź Iziuma.

Vajskoŭcy 92-j bryhady USU sfatahrafalisia na budynku haradskoj rady 50-tysiačnaha Kupianska. Na inšym fota na ŭvachodzie ŭ budynak u ich pavieržany rasijski ściah.

Adnak hałoŭnyja padziei siońnia razhortvajucca paŭdnioviej. Ciaham 9 vieraśnia ŭkrainskija vojski zahacili Sievierski Daniec i farsiravali hetuju raku, vyjšaŭšy da horada Liman. U vypadku ŭziaćcia hetaha horada ŭ katle apynajecca cełaja rasijskaja armija ŭ rajonie Iziuma.

Rasijski vajskovy błohier WarGonzo paviedamlaje, što ŭkraincy pačali šturm Limana.

Inšy vajskovy błohier «Romanov Łajt» piša, što rasijskija vojski pačali adstupać ź Iziuma. «Horad zdadzieny. US Rasii adychodziać z horada kałonami, jakija abstrelvajucca», — piša jon.

U svaju čarhu, błohier Strałkoŭ paviedamlaje ab ukrainskim praryvie taksama ŭ rajonie Lisičanska.

Rasijskija ŭłady abviaścili i pra «evakuacyju» Vialikaha Burłuka na poŭnač ad Kupianska. Ukrainskija «Chajmarsy» vysokadakładnymi ŭdarami źniščyli abjekty ŭ horadzie, dzie raźmiaščalisia čaści rasijskaj vajskovaj palicyi. U siecivie źjaviłasia videa nastupstvaŭ hetych udaraŭ.

Miarkujučy pa pieršych fota, Kupiansk, jak i Bałakleju, ukraincam udałosia ŭziać amal cełym, abmiežavaŭšysia kropkavymi ŭdarami pa rasijskaj vajskovaj infrastruktury.

Rasijskija ŚMI publikujuć videa pierakidvańnia reziervaŭ praź Biełharadskuju i Łuhanskuju vobłaści. Infarmacyju pra kałony rasijskaj techniki publikujuć i pa-praŭkrainsku nastrojenyja karystalniki sieciva z hetych abłaściej.

Nastupalnaja apieracyja ŭkrainskaj armii, jakaja pačałasia 6 vieraśnia praryvami frontu na poŭnač i na poŭdzień ad Bałaklei, adbyvajecca pamiž rekami Sievierski Daniec i Askoł, jakija abmiažoŭvajuć mahčymaści braniatechniki. 

Askoł — prytok Danca, šyroki ŭ rajonie Askolskaha vadaschovišča.

8 vieraśnia ŭkrainskaja armija pierarezała darohu Kupiansk—Izium, jakaja była hałoŭnaj arteryjaj zabieśpiačeńnia Iziumskaj hrupoŭki rasijskich vojskaŭ, što navisaje nad Słavianskam. Paśla hetaha ŭ rasparadžeńni rasijskich vojskaŭ zastaniecca tolki horšy most na druhasnaj darozie cieraz raku Askoł, jaki moža stać lohkaj cellu nie tolki dla ŭkrainskich «Chajmarsaŭ», ale i dla haŭbic.

Ukrainskija vajskoŭcy zaviazvajuć vočy rasijskamu pałonnamu, 7 vieraśnia. Skrynšot ź videa

Imavierna, zaraz rasijanie vymušanyja buduć adstupić ź Iziuma i Śviatahorska, što źnimie pahrozu sa Słavianska i Kramatorska.

U toj ža čas, kali ŭkrainskaja armija maje dastatkova reziervaŭ, jana moža pasprabavać zamknuć vialikaje koła vakoł Iziuma na levym bierazie Askoła. Hałoŭnaje pytańnie — u avijacyi i supraćpavietranaj abaronie. Rasija maje tatalnuju pieravahu ŭ pavietry, tamu ŭkrainskija vojski vymušanyja nastupać pavoli, padciahvajučy najaŭnyja ŭ ich niešmatlikija procipavietranyja kompleksy.

9 vieraśnia ŭkrainskaja artyleryja źniščyła treci most cieraz Askoł — u Kupiansku. Pa inšych źviestkach, jaho padarvaŭ, adstupajučy, rasijski SOBR. «Pavodle papiarednich źviestak, most cieraz Askoł u Kupiansku raźbity. Taksama ŭdary nanosiacca pa Vialikim Burłuku. Mahčyma, praciŭnik rychtujecca pašyrać płacdarm», — piša rasijski błohier «Brodiaha sierych zon».

U Rasii ŭsio čaściej hučać paraŭnańni z Mukdenam časoŭ rasijska-japonskaj vajny 1905 hoda. «Kali acharaktaryzavać situacyju, jakaja skłałasia pa anałohii z ruska-japonskaj vajnoj, to ŭ hałavu prychodzić tolki adno słova — «Mukden». Ale bitva jašče daloka nie zavieršanaja… Jak by sprava «Kanami» nie skončyłasia», — błohier Strałkoŭ pryvodzić prykład z historyi Puničnych vojnaŭ.

Vialiki Burłuk — heta rajcentr na poŭnač ad Kupianska, na podstupach da Vaŭčanska, apošniaha akupavanaha ŭkrainskaha horada ŭ hetaj častcy Charkaŭskaj vobłaści. Učora ŭkrainskaja artyleryja abstralała i rasijskija vajskovyja abjekty ŭ samim Vaŭčansku, a taksama ŭ Iziumie i vakoł jaho.

Aficyjna pra vyzvaleńnie Kupianska ŭkrainskaje kamandavańnie pakul nie paviedamlała. 8 vieraśnia, na treci dzień nastupalnaj apieracyi, ukrainski ściah byŭ uźniaty nad horadam Bałakleja. Rasijski harnizon z horada źbieh u kirunku Iziuma.

Čytajcie taksama: Pahladzicie, jak ukraincy ŭ Charkaŭskaj vobłaści sustrakajuć vyzvalicielaŭ VIDEA

Kamientary11

  • Abyr
    10.09.2022
    Eto fiasko bratan.
    Łopnuł ohromnyj puzyŕ, nadutyj na chalavu v piervyje dni vojny.
    Takoho samyje ohołtiełyje ukrooptimisty priedpołožiť nie mohli.
  • Aha, eto oni «jeŝie nie načinali»
    10.09.2022
    V jesť užie ślili dokumient minfina rf. V niem hovoritsia, čto po sostojaniju na 28 avhusta sieḿjam 48 759 pohibšich nieobchodimo vypłatiť 361,9 młrd. rublej. I eto tolko vojennosłužaŝije rf! Biez učieta mobilizovannych iz łuhondonii i čvk! Učityvaja sobytija na frontie pośle 28 avhusta, k statistikie rf možno śmieło dobaviť jeŝie nieskolko tysiač miertvych okkupantov.
  • Hosť
    10.09.2022
    Po povodu vypłat sieḿjam pohibšich , priedpołahaju otviet budiet primierno śledujuŝieho sodieržanija:''Dienieh niet , no vy dieržitieś. Vam chorošieho dnia''.Błaho prieciedienty ‘'kidałova'' nasielenija Rośsii vošli v tradiciju i chorošo ‘'otrabotany''.

U sutareńniach vilenskaj katedry znajšli schavanyja ŭ 1939-m karony vialikich kniazioŭ21

U sutareńniach vilenskaj katedry znajšli schavanyja ŭ 1939-m karony vialikich kniazioŭ

Usie naviny →
Usie naviny

Da 4-5 sutak u čarzie. Na vyjeździe ź Biełarusi ŭ Jeŭropu bieźlič aŭto8

U Astravieckim rajonie ŭ śmiarotnaje DTZ trapiła aŭto, u jakim jechali adrazu piaciora dziaciej. Zahinuła žančyna

Piedahoh admoviŭsia vykonvać niezakonny zahad kiraŭnictva — jaho za heta jašče i pakarali2

«Važna nie toje, čaho my čakajem ad žyćcia, a toje, čaho žyćcio čakaje ad nas». Psichołah Viktar Frankł pra toje, jak žyć i nie łamacca5

Isłamisckija miedyja Siryi zaretušavali kiraŭničku MZS Hiermanii Analenu Bierbak na apublikavanych fota jaje vizitu5

Prakopjeŭ krytykuje prapanovu kapitulavać: Kali ŭ nas nie ŭźnikła partyja jastrabaŭ, to nie treba rabić partyju abłudnych hałuboŭ24

Padčas ukrainskaha ŭdaru pa rasijskim kamandnym punkcie ŭ Kurskaj vobłaści zahinuli 8 aficeraŭ5

Brytanskaja sistema SPA akazałasia zusim dziravaj3

U domie Džeka Nikałsana zaŭvažyli karcinu, padobnuju da «Jevy» Sucina. Što za jana?11

bolš čytanych navin
bolš łajkanych navin

U sutareńniach vilenskaj katedry znajšli schavanyja ŭ 1939-m karony vialikich kniazioŭ21

U sutareńniach vilenskaj katedry znajšli schavanyja ŭ 1939-m karony vialikich kniazioŭ

Hałoŭnaje
Usie naviny →