Pad Iziumam ukraincy zachapili sotni adzinak techniki. Analiz zachoplenaha tłumačyć, čamu Rasija nie pravodzić mabilizacyi
Ašałamlalny kałaps rasijskich vojskaŭ u Charkaŭskaj vobłaści vyjaviŭ, što Rasii bolš asabliva niama čym vajavać.
Niezaležny Oryx Project fiksuje straty Rasii i Ukrainy, zafiksavanyja videa— i fotamateryjałami. Rasijski śpis za apošni tydzień papoŭniŭsia 333 punktami. Ź ich 224 adzinki techniki ŭkraincy zachapili.
Heta daloka nie poŭny śpis, tamu što ŭkraincy jašče nie skončyli začystki Iziuma i jaho vakolic. Tym nie mienš, jon dazvalaje zrabić niekatoryja vysnovy. Dola sastarełaj, savieckaha času braniatechniki značna vyrasła ŭ paraŭnańni z pačatkam kanfliktu. Heta značyć, što rasijskija arsienały vyčerpvajucca.
Usiaho Oryx Project zafiksavaŭ stratu rasijanami 5801 adzinak techniki, u tym liku 1083 tankaŭ. Dla paraŭnańnia: ukraincy stracili 1577 adzinak.
Rasijskaja armija praktyčna nie maje i reziervaŭ. Kali ŭkraincy prarvali front, dalej jany prasoŭvalisia da samaj rasijskaj miažy, nie sustrakajučy nijakaha supracivu.
Takaja redzieńkaja linija abarony — na mnohich učastkach 1300-kiłamietrovaha frontu, pryznajuć rasijskija frantavyja błohiery.
Šmatlikija videa, što fiksujuć niejtralizacyju rasijskaj techniki, pakazvajuć pieravahu ŭkraincaŭ u raźviedcy i vysokadakładnaj zbroi.
Full version of yesterday's video of the epic destruction of a #Russian tank.#Ukraine #UkraineWar #UkrainianArmy #UkraineRussianWar #Ukraina #Ukrainians #UkraineRussiaWar pic.twitter.com/0zXyuoiTK8
Ukraincy, faktyčna, bačać rasijskuju armiju z pavietra ŭ režymie anłajn, tady jak rasijanie — tolki ŭ binokl.
Na videa zaŭvažny taksama kantrast dobra abmundziravanych, asnaščanych ukrainskich vajskoŭcaŭ z rasijskimi bajcami. Da hetaha dadajecca roźnica ŭ matyvacyi.
Sa statystyki rasijskich strat vynikaje, što Maskva nie pravodzić mabilizacyi nie stolki z palityčnych pryčyn, kolki tamu, što mabilizavanym nie było b na čym vajavać. Jany apynulisia b z kałašami suprać dobra ŭzbrojenaj ukrainskaj armii.
Rasijskija sacyjalnyja sietki poŭniacca tryvožnym čakańniem, dzie ŭkraincy naniasuć čarhovy ŭdar.
Frantavyja błohiery pišuć, što ŭkrainskaja armija ŭžo raźbiraje minnyja zaharody pad Vuhladaram — heta miž Danieckam i Hulaj-Polem, viadzie intensiŭnuju pavietranuju raźviedku nad Danieckam i padvodzić braniatechniku praź Mikałajeŭ da Chiersona.
Rasijskija vojski zachoŭvajuć inicyjatyvu ŭ rajonie Bachmuta i Horłaŭki. Adnak usia rasijskaja hrupoŭka na poŭnačy Łuhanskaj vobłaści moža apynucca pad pahrozaj paśla padzieńnia Limana — bai tam praciahvajucca dvoje sutak. Ukraincy nie tolki svabodna farsiravali Sievierski Daniec, kab vyjści da hetaha horada, ale i pierakinuli tudy braniatechniku. Što padziei tam razhortvajucca ŭ niavyhadnym dla Rasii rečyščy, śviedčać dopisy šavinistyčnych kanałaŭ, jakija prasoŭvajuć dumku, što tam ukraincami kirujuć nataŭskija instruktary.
Na fota nižej: ukrainskija vajskoŭcy ŭ Vaŭčansku, samym uschodnim horadzie Charkaŭskaj vobłaści, za 2 kiłamietry ad miažy z Rasijaj.
Videa fiksujuć taksama sceny radaści i śloz na vulicach vyzvalenych haradoŭ i viosak. Miascovyja žychary sustrakajuć ukrainskuju armiju z kvietkami i ściahami paśla paŭhadavoj akupacyi ŭ vajnie, jakaja dla ŭkraincaŭ nabyła charaktar «ajčynnaj».
Crowds of Ukrainians who wanted to join Russia are terrified that the people who've been shelling them & committing genocide for 8 years have pushed their glorious Russian liberators out of their territory. pic.twitter.com/omroge8JtN
Ukrainians in recently liberated territories bring food, flowers and thank soldiers for their freedom. pic.twitter.com/dzctSgQ6Oa
Crying Ukrainians thank the soldiers of their army for liberating them today after 6 long months of Russian terror.
pic.twitter.com/jvYnUtCEUp
Usiaho za minuły tydzień ukrainskaja armija vyzvaliła bolš za 8000 kvadratnych kiłamietraŭ terytoryi. U Charkaŭskaj vobłaści pad kantrolem rasijan zastajecca tolki terytoryja na levym bierazie raki Askoł. U vypadku padzieńnia Limana i vychadu ŭkrainskaj braniatechniki da Svatava, adstupleńnie rasijskaj armii z usioj poŭnačy Łuhanščyny stanie taksama pytańniem času.
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ8
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary
.
«…Braty maje, mužyki rodnyja. Z-pad šybienicy maskoŭskaj prychodzić mnie da
vas pisaci, i, moža, raz astatni. Horka pakinuć ziamielku rodnuju i ciabie, darahi
moj narodzie. Hrudzi zastohnuć, zabalić serca, — no nie žal zhinuć za tvaju praŭdu… Niama š, bratki,
bolšaha ščaścia na hetym śviecie, jak kali čałaviek u hałavie maje rozum i nauku… No
jak dzień z nočču nie chodzić razam, tak nie idzie razam nauka praŭdziva ź niavolaj
maskoŭskaj. Dapokul jana ŭ nas budzie, u nas ničoha nie budzie, nie budzie praŭdy,
bahactva i nijakaj nauki, — adno nami, jak skacinaj, varočać buduć nie dla
dabra, no na pahibiel našu… Bo ja tabie z-pad šybienicy kažu, Narodzie, što tahdy
tolki zažyvieš ščaśliva, kali nad taboju Maskala ŭže nie budzie.
Tvoj
słuha
Jaśka-haspadar
z-pad Vilni»