U Hrodnie razhledziać prajekt druhoj čarhi rekanstrukcyi Staroha zamka
Budzie abmiarkoŭvacca restaŭracyja pałaca Stefana Batoryja, zajaviła načalnica upraŭleńnia kultury Hrodzienskaha abłvykankama Alena Klimovič.
Pa słovach čynoŭnicy, letaś značnym stała adkryćcio pieršaj čarhi rekanstrukcyi abjekta. Zaraz viadziecca aktyŭnaja praca pa stvareńni interjernych ekspazicyj u Starym zamku. Płanujecca, što buduć zavieršanyja Zamkavaja kaplica, karaleŭskaja łaźnia, pakoi čynoŭnika. Što tyčycca alebastravaj zały — miesca adpačynku karala, to tam vielmi składany kamin, tamu jość vierahodnaść, što pracy zavieršacca ŭ 2023 hodzie.
Usie pamiaškańni, pavodle Aleny Klimovič, adnaŭlajucca pa anałahach XVI stahodździa. Raboty vykonvajuć śpiecyjalisty «Biełrestaŭracyi».
«Adna z takich składanych i važnych zadač, jakuju zaraz my vyrašajem, — prajektavańnie druhoj čarhi Staroha zamka. Jana ŭklučaje sam pałac Stefana Batoryja. Litaralna ŭ hetyja dni budzie razhladacca ŭžo prajekt pa rekanstrukcyi budynka karaleŭskaha pałaca, nad jakim viałasia praca ceły hod», — zajaviła Klimovič.
Kamientary
pytańnie: što adnaŭlajuć? Hatyčny zamak časoŭ Vitaŭta Vialikaha, ci reniesansny
zamak časoŭ Ściopy Batoryja? Vyhladaje, što, nasamreč, reniesansny zamak časoŭ Batoryja… Nu, dyk taki ž
kupał z vyjavaj zamka i na hraviury – reniesansny! Z hetaj nahody, jak pamiatajecca,
było šmat publikacyj na temu abmierkavańnia praporcyj i pamieraŭ hetaha kupała –
na prykładzie padobnych zamkaŭ Eŭropy z takim ža reniesansnym kupałam. Uličyli
zaŭvahi palakaŭ…Hałoŭnaje, kab usio
było navukova abhruntavanym!
Adnavić zamak
adzin da adnaho, nie majučy tysiačaŭ hraviuraŭ i fota – nie mahčyma!!!!!!!! I vy
dumajecie, što zamak Batoryja stajaŭ tam 400 hadoŭ bieź źmienaŭ? Kožnaje dziesiacihodździe
niešta dabudoŭvali, źmianiali… Jak na siońniašni rozum, vobrazna kažučy, byli b
haspadary zamka niaźmiennyja, tam by daŭno prakłali b kanalizacyju, vadapravod,
vientylacyju, kieramičnuju dachoŭku zamianili b mietaładachoŭkaj, prybudavali b transfarmatarnuju padstancyju i h.d.…
Hałoŭnaje, kab
prajekt byŭ navukova abhruntavany…
Juzik sa stancyi Kruleŭščyna, śmiajeciesia?) raniej, u minułyja stahodzi, nichto nie pierajmaŭsia nijakaj rekanstrukcyjaj-restaŭracyjaj
pierabudoŭvali pa modzie, pa ŭłasnym huście i nakolki hrošaŭ chopić)