Za miažu źbieh aficer śpiecnaza «Alfa». Łukašenkaŭcy niervova čakajuć, što jon zahavoryć
Jak stała viadoma «Našaj Nivie» ad nie źviazanych miž saboj krynic unutry i za miežami Biełarusi, niadaŭna za miažu źbieh vajskoviec śpiecnaza KDB «Alfa». Paśla hetaha jahonuju hrupu pastavili «na karancin» i adchilili ad vykanańnia zadańniaŭ — praviarajuć i šukajuć inšych patencyjnych «zdradnikaŭ». U toj ža čas jamu pakul niama davieru i za miažoj.
Ab uciokach śpiecnazaŭca nam stała viadoma ad surazmoŭcaŭ u siłavych orhanach, jakija akcentavali ŭvahu na tym, što «kiraŭnictva represiŭnaha aparata zastyła ŭ pozie niajomkaha čakańnia».
Jak nam papiarednie viadoma, uciok aficer u zvańni kapitana.
Jaho imia, pasada, a taksama ŭzrovień jahonych dopuskaŭ da infarmacyi nam pakul nieviadomyja. U jakich «apieracyjach» jon braŭ udzieł, taksama nieviadoma.
Viadoma tolki, što nielehalny pierachod hranicy adbyŭsia pry kancy vieraśnia. A kali fakt ucioku z karnaha orhana staŭ viadomy načalstvu, usia hrupa, dzie słužyŭ pierabiežčyk, adpraviłasia «na karancin», što aznačaje časovaje adchileńnie ad vykanańnia zadańniaŭ. Śpiecnazaŭcaŭ praviarajuć na łajalnaść paśla kroku kalehi.
Z krynic u emihracyjnych strukturach «Našaj Nivie» stała viadoma, što ŭ pierachodzie miažy śpiecnazaŭcu dapamahała antyłukašysckaje padpolle.
Viadoma, što ciapier hetaha śpiecnazaŭca praviarajuć kontrterarystyčnyja słužby adnoj z sumiežnych dziaržaŭ, ale «asablivaha davieru jon nie vyklikaje i mety jaho niajasnyja», skazaŭ «Naša Niva» infarmavany pradstaŭnik emihracyi.
Z pačatku 2020-ha hoda masa siłavikoŭ admoviłasia słužyć režymu Łukašenki, niejkaja častka ź ich pierajšła ŭ adkrytuju apazicyju, u tym liku staršyja aficery śpiecsłužbaŭ i MUS.
Samy znakamity z takich aficeraŭ — padpałkoŭnik Stanisłaŭ Łupanosaŭ, jaki, jak ličycca, vyviez razam z saboj kałasalny masiŭ danych ź infarmacyjaj pra złačynstvy režymu, a taksama infarmacyjnyja bazy.
Čytajcie taksama: Aficer HUBAZiKa, jaki pieradavaŭ infarmacyju ruchu za svabodnyja vybary, daŭ pieršaje intervju: Chaj dumajuć, što ja adzin taki, chaj supakojvajuć siabie
Vialikaja hutarka z Alinaj Koŭšyk — pra intervju z Padsasonnym, skandał z Kulejem i reformy na «Biełsacie»18
Kamientary