26 kastryčnika Sienat Polščy adnahałosna, 85 hałasami pryniaŭ rezalucyju ab pryznańni ŭładaŭ Rasijskaj Fiederacyi terarystyčnym režymam. U hetaj rezalucyi sienatary «rašuča asudžajuć rasijskuju ahresiju i zaklikajuć usie krainy, jakija padtrymlivajuć mir, demakratyju i pravy čałavieka, pryznać ułady Rasijskaj Fiederacyi terarystyčnym režymam».
U rezalucyi sienatary nahadvajuć, što 24 lutaha 2022 hoda Uzbrojenyja siły Rasijskaj Fiederacyi raźviazali žorstkuju vajnu z Ukrainaj, žadajučy ścierci z karty śvietu hetuju suvierennuju krainu i źniščyć jaje narod.
Jany taksama padkreślivajuć, što hieraičnaja abarona hramadzianami Ukrainy niezaležnaści vyklikała zachapleńnie ŭsiaho volnaha śvietu i siońnia Ukraina źjaŭlajecca najvažniejšym miescam u śviecie, u jakim abaraniajucca demakratyja i svaboda.
Rasijskija akupanty, na dumku polskich sienataraŭ, teraryzujuć žycharoŭ ukrainskich haradoŭ, padviarhajuć bambavańniam cyvilnyja abjekty.
«Bandyty ŭ rasijskaj formie katujuć i zabivajuć vajennapałonnych i mirnych žycharoŭ na akupavanaj terytoryi. Jany vykradajuć ukrainskich dziaciej, kab vyraścić ich režymnymi janyčarami. Jany departujuć, vysialajuć i adpraŭlajuć hramadzian Ukrainy na dalokuju pieryfieryju Rasii», — havorycca ŭ rezalucyi.
Uładzimir Pucin i jahony aparat hvałtu, pavodle rezalucyi, viarnulisia da žorstkich praktyk stalinskaha i nacysckaha režymaŭ, a tamu «Rasiju treba pieramahčy i pazbavić jaje mahčymaści stavić pad pahrozu svaich susiedziaŭ».
Sienatary addajuć naležnaje ŭsim ustanovam i arhanizacyjam, jakija ŭzialisia za rasśledavańnie i dakumientavańnie złačynstvaŭ, učynienych rasijanami suprać ukrainskaha hramadstva, i zaklikajuć mižnarodnuju supolnaść akazać poŭnuju padtrymku Mižnarodnamu kryminalnamu sudu, jaki rasśleduje vinavatych u hetych złačynstvach.
Raniej padobnyja pastanovy pryniali parłamienty Litvy, Łatvii i Estonii, a taksama Parłamienckaja asambleja Rady Jeŭropy.
Čytajcie taksama:
PARIE nazvała Rasiju terarystyčnym režymam
Parłamient Estonii pryznaŭ Rasiju «dziaržavaj — sponsaram teraryzmu»
Siejm Łatvii pryznaŭ Rasiju krainaj — sponsaram teraryzmu
Siejm Litvy pryznaŭ Rasiju terarystyčnaj dziaržavaj
Vialikaja hutarka z Alinaj Koŭšyk — pra intervju z Padsasonnym, skandał z Kulejem i reformy na «Biełsacie»15
Kamientary