Biełaruskija sanatoryi zarabili na rasijanach u 1,7 raza bolš, čym letaś
Vyručka biełaruskich sanatoryjaŭ ad ekspartu pasłuh za 9 miesiacaŭ 2022 hoda vyrasła na 72%. Pry hetym kolkaść inšaziemcaŭ, jakija azdaravilisia ŭ Biełarusi, vyrasła na 44%. Pra heta paviedamiŭ 31 kastryčnika dyrektar Respublikanskaha centra pa azdaraŭleńni i sanatorna-kurortnym lačeńni nasielnictva Hienadź Bałbatoŭski, piša Office Life.
U absalutnych ličbach ekspartnaja vyručka pieravysiła 186 młn rubloŭ, u biełaruskich sanatoryjach za 9 miesiacaŭ adpačyli bolš za 142 tys. inšaziemcaŭ, skazaŭ Hienadź Bałbatoŭski na pres-kanfierencyi ŭ Minsku.
Pry hetym raniej jon paviedamlaŭ, što 95% inšaziemcaŭ u našych sanatoryjach składajuć rasiejcy.
Cikava, što ŭ pieršym paŭhodździ biełaruskija sanatoryi pryniali 72 tysiačy inšaziemcaŭ, i amal takaja ž kolkaść hramadzian inšych dziaržaŭ azdaravilisia ŭ ich u trecim kvartale.
Bałbatoŭski zakranuŭ i temu cenaŭ u biełaruskich sanatoryjach: jany, pa jaho słovach, zastanucca niaźmiennymi, a pucioŭki pradajucca pa tym ža košcie, jaki byŭ da ŭviadzieńnia maratoryja na rost cen.
Zapaŭnialnaść biełaruskich sanatoryjaŭ zachoŭvajecca na ŭzroŭni 2019 hoda. Na najbližejšy miesiac zabraniravana bolš za 80% miescaŭ, i navat na studzień užo 35%.
Jak paśla kanca śvietu. Ahrasiadzibu ŭ Salihorskim rajonie zaniesła ziamloj3
Kamientary