Hetaja niezvyčajnaja pica pryvabić uvahu dziaciej i budzie papularnaj stravaj na viečarynie, pikniku ci na abiedzie. Tolki nie pakazvajcie jaje italjancam!
Fota: BBC Food
Kab zhatavać picu ŭ kołcach, vam spatrebicca:
- 2 stałovyja łyžki tamatnaha piure (možna zamianić na tamatnuju pastu ci kietčup)
- 1 stałovaja łyžka kietčupu
- 1 čajnaja łyžka sušanaha baziliku
- pałova čajnaj łyžki sušanaha časnaku
- 375 hramaŭ hatovaha słojenaha ciesta
- 175 hramaŭ sumiesi ciortych macareły i čedaru
- 1 jajka (uźbitaje)
- Vyścielicie vialikuju blachu papieraj dla vypiakańnia.
- Źmiašajcie tamatnaje piure, kietčup, bazilik i časnok. Razharnicie ciesta i vykładzicie na jaho tamatnuju sumieś, pakidajcie pa bakach nievialikija krai biez sousu. Pasypcie syram tuju častku ciesta, što pakrytaja sousam, potym vyšmarujcie adzin z doŭhich krajoŭ ciesta nievialikaj kolkaściu ŭźbitaha jajka.
- Zharnicie ciesta ŭ rulet, pačynajučy ź nieabmazanaha doŭhaha boku. Pakładzicie rulet na blachu (pry nieabchodnaści možna razrezać jaho ŭpopierak na dźvie častki), pastaŭcie ŭ chaładzilnik na 20 chvilin.
- Dastańcie rulet z chaładzilnika i razrežcie jaho na 16 kołcaŭ. Raźmiaścicie ich na blasie i astudzicie na praciahu jašče 20 chvilin.
- Razahrejcie duchoŭku da 200 hradusaŭ.
- Zmažcie kołcy ŭźbitym jajkam. Vypiakajcie ich u duchoŭcy 15 chvilin, pakul jany nie stanuć załacistymi, a syr nie pačnie puzyrycca. Astudzicie kołcy na praciahu 5 chvilin pierad tym, jak ich padavać, ale možacie padavać picu i całkam chałodnaj.
Recept na vychadnyja. Sibas u koračcy z estrahonu — lohkaja i karysnaja viačera
Jak zavarvać zialonuju harbatu? Voś što važna ŭličvać
Recept na vychadnyja. Tart fłambe — smak Elzasa
Zdajuć u arendu katedž zahinułaha chakieista Cypłakova. Voś interjery FOTY14
Kamientary