Łukašenkaŭski ekśpiert zajaviŭ, što «Biełavija» zmahła efiektyŭna pieraadoleć sankcyi i adkryć novyja napramki. Heta chłuśnia
Palitołah Vadzim Jałfimaŭ zajaviŭ, što nacyjanalny avijapieravozčyk zmoh znajści novyja napramki zamiest jeŭrapiejskich, a sankcyi akazalisia nieefiektyŭnymi.
Jałfimaŭ adznačyŭ, što ŭ Biełarusi «vydatnaje hieahrafičnaje miescaznachodžańnie, jakoje daje mahčymaść efiektyŭna raźvivać hetu halinu, asvojvać novyja napramki, jakija raniej byli nie takija papularnyja».
«Zychodziačy z hetaha, dla «Biełavija» adkryty praktyčna ŭvieś śviet. Latać možna nie tolki praź Jeŭropu. U suviazi z apošnimi padziejami vialikija mahčymaści dla nas adkrylisia praz Rasijskuju Fiederacyju i azijackija krainy. Heta svojeasablivy stratehičny manieŭr, jaki akazaŭsia pravilnym. Tyja, chto ŭvodziŭ sankcyi i inšyja abmiežavańni, nie dabilisia vyniku», — cytuje BIEŁTA łukašenkaŭskaha ekśpierta.
Abnoŭlena: Viasnoj «Biełavija» latała ŭ Ałmaty, Ašchabad, Baku, Batumi, Dubaj, Jerevan, Kazań, Krasnadar, Kutaisi, Maskvu, Astanu, Sankt-Pieciarburh, Sočy, Stambuł, Taškient, Tbilisi, Tel-Aviŭ.
A voś — śpis aktualnych napramkaŭ pa stanie na 12 maja 2021 hoda, kali ŭ šmatlikich krainach nie byli źniatyja karanavirusnyja abmiežavańni. Jon u amal u try razy šyrejšy, čym ciapier.
Paśla incydentu z samalotam Ryanair u minskim aeraporcie «Biełavii» zabaranili latać u jeŭrapiejskija krainy. A z-za mihranckaha kryzisu avijakampanija trapiła ŭ sankcyi ES i inšych jeŭrapiejskich krain.
Avijapark «Biełavija» z-za sankcyj skaraciŭsia z 29 da 14 samalotaŭ.
Kamientary