Лукашэнкаўскі эксперт заявіў, што «Белавія» змагла эфектыўна пераадолець санкцыі і адкрыць новыя напрамкі. Гэта хлусня
Палітолаг Вадзім Ялфімаў заявіў, што нацыянальны авіяперавозчык змог знайсці новыя напрамкі замест еўрапейскіх, а санкцыі аказаліся неэфектыўнымі.
Ялфімаў адзначыў, што ў Беларусі «выдатнае геаграфічнае месцазнаходжанне, якое дае магчымасць эфектыўна развіваць гэту галіну, асвойваць новыя напрамкі, якія раней былі не такія папулярныя».
«Зыходзячы з гэтага, для «Белавія» адкрыты практычна ўвесь свет. Лятаць можна не толькі праз Еўропу. У сувязі з апошнімі падзеямі вялікія магчымасці для нас адкрыліся праз Расійскую Федэрацыю і азіяцкія краіны. Гэта своеасаблівы стратэгічны манеўр, які аказаўся правільным. Тыя, хто ўводзіў санкцыі і іншыя абмежаванні, не дабіліся выніку», — цытуе БЕЛТА лукашэнкаўскага эксперта.
Абноўлена: Вясной «Белавія» лятала ў Алматы, Ашхабад, Баку, Батумі, Дубай, Ерэван, Казань, Краснадар, Кутаісі, Маскву, Астану, Санкт-Пецярбург, Сочы, Стамбул, Ташкент, Тбілісі, Тэль-Авіў.
А вось — спіс актуальных напрамкаў па стане на 12 мая 2021 года, калі ў шматлікіх краінах не былі знятыя каранавірусныя абмежаванні. Ён у амаль у тры разы шырэйшы, чым цяпер.
Пасля інцыдэнту з самалётам Ryanair у мінскім аэрапорце «Белавіі» забаранілі лятаць у еўрапейскія краіны. А з-за мігранцкага крызісу авіякампанія трапіла ў санкцыі ЕС і іншых еўрапейскіх краін.
Авіяпарк «Белавія» з-за санкцый скараціўся з 29 да 14 самалётаў.
Новы сямейны падрад: Ялфімаў зацягнуў у прапаганду свайго сына, цяпер той выступае ў «Мінскай праўдзе». Выяўляецца, абодва яны расіяне
Судзяць гендырэктара БелАЗа. Пагражае да 15 гадоў8
Каментары