Rasijski kanał źniaŭ na videa žachlivaje pakarańnie vahnieraŭca, jaki zdaŭsia ŭ pałon
Źviazany z PVK Vahniera telehram-kanał apublikavaŭ videa zabojstva kuvałdaj byłoha źniavolenaha, jakoha zavierbavaŭ asabista Pryhožyn.
Jaŭhien Nužyn adbyvaŭ pakarańnie ŭ papraŭčaj kałonii ŭ Razani. Jon byŭ asudžany na 24 hady za zabojstva, źniščeńnie čužoj majomaści, chulihanstva i sprobu ŭciokaŭ ź miescaŭ pazbaŭleńnia voli.
Rasijskaja armija, jakaja paniesła vializnyja straty ŭ žyvoj sile, pačała vierbavać na vajnu źniavolenych u siaredzinie 2022 hoda. Zekam uzamien abiacajuć svabodu paśla skančeńnia vajny. Źniavolenych adpraŭlajuć u sastaŭ pryvatnaj vajennaj kampanii «Vahnier» — nasamreč, psieŭdapryvatnaj, bo padkantrolnaj Minabarony Rasii. Uznačalvaje jaje Jaŭhien Pryhožyn — były kuchar Uładzimira Pucina, čałaviek z najbližejšaha koła prezidenta Rasii.
Viarboŭka zekaŭ stała simptomam taho, nakolki krytyčnaja situacyja rasijskaj armii. Zvyčajna ŭ vojska kryminalnikaŭ nie biaruć, a tym bolš asudžanych za ciažkija złačynstvy.
Paśla taho jak Nužyn apynuŭsia na froncie, jon trapiŭ u pałon da ŭkraincaŭ i daŭ intervju ŭkrainskamu žurnalistu Juryju Butusavu. U im pałonny zajaviŭ, što zdaŭsia ŭkraincam, kab vajavać u lehijonie «Svaboda Rasii».
Na videa, apublikavanym kanałam, źviazanym z vahnieraŭcami, Nužyn raspaviadaŭ, što ŭ Kijevie jaho ŭdaryli pa hałavie, jon straciŭ prytomnaść i pryjšoŭ u siabie ŭžo ŭ novym pałonie. Jamu skazali, što «buduć sudzić». Na hetych słovach mužčynu raznosiać hałavu kuvałdaj.
Ukrainskija kanały pišuć, što Nužyna nichto nie vykradaŭ. Jaho viarnuli ŭ Rasiju ŭ ramkach abmienu pałonnymi.
PVK Vahniera raniej učyniała dasudovyja kaźni ŭ Siryi.
Zasnavalnik hrupoŭki Vahniera Jaŭhien Pryhožyn paźniej cynična prakamientavaŭ videa:
«Ja vybiraju hladzieć historyju ŭ teatry. Što tyčycca akuvałdavanaha, to ŭ hetym šou vidać, što jon nie znajšoŭ ščaścia va Ukrainie, a sustreŭsia ź niadobrymi, ale spraviadlivymi ludźmi. Mnie zdajecca, hety film nazyvajecca «Sabaku — sabačaja śmierć». Vydatnaja režysiorskaja praca, hladzicca na adnym dychańni».
Ciapier čytajuć
«Z maskalom havary, da kamień za pazuchaju dziaržy». My daviedvajemsia ŭsio bolš novaha pra Kastusia Kalinoŭskaha — palityka, jakoha ciapier nie chapaje3131
Kamientary