«Naša Niva» była zasnavana 116 hadoŭ tamu — 23 listapada (10 listapada pavodle staroha stylu) 1906 hoda. Vydavałasia da žniŭnia 1915 h. u Vilni, pakul vychad štotydniovika nie byŭ spynieny pierad nastupam niamieckich vojskaŭ.
Na karotki pieryjad vydańnie było adnoŭlena ŭvosień 1920 hoda.
Zatym «Naša Niva» była adnoŭlena ŭ mai 1991 h. u Vilni Siarhiejem Dubaŭcom, u 1996-m pierabrałasia ŭ Minsk.
8 vieraśnia 2006 hoda ŭ siońniašnim farmacie zapracavaŭ sajt nn.by (siońnia — nashaniva.com), jaki źjaŭlajecca siońnia samym papularnym biełaruskamoŭnym sajtam.
U červieni 2018 hoda vydańnie papiarovaj haziety było prypyniena, my całkam skancentravalisia na sajcie.
Ale ŭžo ŭ žniŭni taho ž hoda vyjšaŭ pieršy numar «Našaj historyi». Pry kancy 2019 hoda vyjšli dziciačyja časopisy «Dudu» i «Aściarožna: dzieci!».
Uletku 2021 hoda adbyŭsia pahrom redakcyi. Redaktary Jahor Marcinovič i Andrej Skurko byli zatrymanyja i asudžanyja da dvuch z pałovaj hadoŭ źniavoleńnia.
Adnak «Naša Niva» vystajała i praciahvaje pracu.
Za apošni čas my raskazali niamała važnych historyj. Pra novuju chvalu zatrymańniaŭ i pryncyp, pa jakim aŭtamatam zavodziać kryminalnuju spravu, pra toje, jak nadziejna vyčyścić z telefona niebiaśpiečnyja dla vas fotazdymki, pra zatrymańnie čynoŭnika, jaki zabaraniŭ viernikam malicca ŭ Čyrvonym kaściole. Zapuścili videanaviny.
Dapamahajcie nam i dalej być karysnymi dla vas — dzialiciesia infarmacyjaj pra toje, što adbyvajecca vakoł, i padtrymlivajcie pracu NN na «Patreonie».
Dziakuj, što vy z nami!
Ciapier čytajuć
Paśla vystupleńnia Łuhanskaha teatra ŭ Minsku adna z hladačak vyhuknuła «Słava Ukrainie!»2
Kamientary
https://nashaniva.com/303730...»
tak voś. proźviŝe tady nie toje, što proźvišča zaraz... i "ŝ" i "'" prysutničajuć, a "ŭ" nie