Zdaroŭje1212

«U Jeŭropie ledź nie ad usiaho prapisvajuć paracetamoł». Čamu heta pravilna i jak zrazumieć, što para da doktara

Doktar Kamaroŭski atrymaŭ skarhu ad padpisčycy, jakaja raskazała, što kolki b u Jeŭropie jana nie źviartałasia da miedykaŭ, joj z roznych nahodaŭ prapisvajuć paracetamoł. Kamaroŭski patłumačyŭ, čamu tak adbyvajecca i što ŭ hetym dobraha. 

Fota: pxhere.com

Dla hałavy, palca i vucha

«U Polščy syn zachvareŭ — horła, tempieratura vysokaja — pryznačyli paracetamoł, bolš, skazali, ničoha nie treba. Niadaŭna ŭžo ŭ Hiermanii ŭ starejšaj dački zabaleła vucha, da doktara nie dabralisia, miedsiastra skazała dać paracetamoł. Mnie samoj udałosia trapić da doktara, bo zamučyŭ hałaŭny bol. Doktarka, uvažlivaja, nie maładaja, daśviedčanaja, paraiła pić paracetamoł. Ja joj kažu: mnie nie dapamahaje. Skazała, što treba pavialičyć dozu ŭ dva razy. A kali nie dapamoža, pavialičyć u try razy. Havaryła ź siabroŭkaj, jakaja ciapier u Bielhii z dačkoj. Dačka nažom parezała sabie ruku, pryjšłosia jechać u miascovuju «chutkuju» zašyvać. Paśla apieracyi dzicia skardziłasia, što ruka balić. Skazali — paracetamoł.

U mianie takoje adčuvańnie, što raniej šamany bili ŭ bubien pry luboj prablemie, a ciapier zamiest bubna paracetamoł. Nakolki heta ŭsio racyjanalna? Asabista ŭ mianie vialikija sumnievy», — paskardziłasia čytačka.

Doktar Kamaroŭski adkazvaje: «Heta racyjanalna».

«U čym prablema z apisanymi vyšej situacyjami? Dali paracetamoł — i čym heta skončyłasia? Vy ž nie raskazvajecie, što dali paracetamoł, i z-za paracetamołu chvaroba pajšła pa niejkim [kiepskim] scenary.

Razumiejecie, jakaja situacyja: u bolšaści vypadkaŭ čałaviečyja chvaroby zakančvajucca sami pa sabie, naohuł biez usiaho. Jość lek, jaki vykarystoŭvajecca pry padvyšanaj tempieratury i pry hałaŭnym boli, pry lubym boli, značyć, paracetamoł — lek, jaki realna vałodaje abiazbolvalnym i panižajučym tempieraturu dziejańniem. Adzin z samych biaśpiečnych. I hetyja leki — numar adzin, jakija pryznačajuć naprava i naleva, kab ludzi nie zajmalisia samalačeńniem. Kab spynilisia na hetym. U bolšaści vypadkaŭ hetaha byvaje dastatkova», — havoryć doktar.

Pavodle Kamaroŭskaha, pry hałaŭnym boli, naprykład, pry mihreni toj ža, małyja dozy paracetamołu praktyčna nie pracujuć, treba pavialičvać dozu, časam dosyć mocna.

Paracetamoł jak kryteryj surjoznaści situacyi

Paracetamoł — abaviazkovaje lakarstva chatniaj aptečki.

«Z majho punktu hledžańnia, paracetamoł dobry jašče tym, što pry ŭsioj svajoj biaśpiecy jon cudoŭny kryteryj surjoznaści situacyi.

To-bok, kali dziciaci drenna, vysokaja tempieratura — vy dajacie paracetamoł, i jon naohuł nie dapamahaje, voś heta padstava nieadkładna spynić samalačeńnie i źviarnucca da lekara. A kali paracetamoł dapamoh, značyć, možna jašče nie mitusicca i pačakać», — havoryć Kamaroŭski.

Paracetamoł — heta mižnarodnaja nazva. Jość vialikaja kolkaść handlovych nazvaŭ preparatu, naprykład, tajlenoł, panadoł, efierałhan, kałpoł i h.d. Heta ŭsio paracetamoł.

Kamaroŭski kaža, što zusim nie treba kuplać impartnyja paracetamoły. Preparat vyrablajuć užo 120 hadoŭ, technałohija adpracavanaja, syravina, u bolšaści vypadkaŭ, jakasnaja, padrobak praktyčna nie byvaje, tamu što cana nie vielmi vysokaja, i pierapłačvać za zamorskija leki ŭ vypadku z paracetamołam niama sensu.

Na što varta źviarnuć uvahu

Doza paracetamołu, jakuju možna ŭžyvać, davoli vialikaja, kab preparatam atrucicca. Ale pieradaziroŭka paracetamołu vyklikaje paražeńnie piačonki, nyrak, sistemy krovazvarotu.

Tabletki byvajuć po 200 mh, 325 mh, 500 mh, 750 mh, 1 hram.

Maksimalnaja doza paracetamołu — 1 hram 4 razy ŭ sutki, to-bok 4000 mh.

Kožny čałaviek pavinien viedać svaju efiektyŭnuju dozu.

Heta značyć, kali vam dapamahaje 325 mh, vam nie treba pić 500 mh. Kali 1 tabletka ŭ 325 mh vam nie dapamahaje, u nastupny raz prymajcie dźvie tabletki. A try pa 325 mh — heta praktyčna i jość maksimalnaja razavaja doza.

Hałoŭnaje, vy ni ŭ jakim razie nie pavinny pieravyšać maksimalnuju sutačnuju dozu ŭ 4 h u sutki, heta, naprykład, 12 tabletak u sutki pa 325 mh.

«Kali vy prymajecie paracetamoł u maksimalnych dozach i jon vam nie dapamahaje — davajcie da doktara, chopić zajmacca samalačeńniem», — kaža Kamaroŭski.

Ź jakim fruktam treba być aściarožnym, kali prymaješ leki. Heta realna moža być pytańniem žyćcia

Paničnyja ataki: čamu jany ŭźnikajuć i jak ich adolvać?

Kamientary12

  • Knudson
    23.11.2022
    Dziakuj
  • Satan
    23.11.2022
    Nu jesť takoje tut. Žienie było nieprivyčno śpierva. A ja i v Biełarusi śpierva chodił za viski, a čieriez niedielu, jeśli viski nie pomoh, to k vraču. No v 9 iz 10 słučajev viski pomohał!
  • feafania
    24.11.2022
    A našyja dachtary lubiać cełyja apteki prapisvać. Ja zaŭsiody chadžu da doktara tolki za listkom niepracazdolnaści. Tabletki, jakija jany navypisvajuć, staranna vyvučaju, mahu štości kupić, kali spadabajecca, ale čaściej nie. Ale zanatoŭvaju ceny, apteku i vyhlad, a taksama, kolki razoŭ prymać, kab kali što mieć mažlivaść skazać, što ja ŭsio prymała i kolki tabletak zastałosia.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

«Prosta ŭ straŭnik myšy zalivajem dozu ałkaholu». Navukoviec — niasumna pra azempik, tłušč, ałkahol i źmienu hienaŭ1

«Prosta ŭ straŭnik myšy zalivajem dozu ałkaholu». Navukoviec — niasumna pra azempik, tłušč, ałkahol i źmienu hienaŭ

Usie naviny →
Usie naviny

Bili Ajliš źniałasia ŭ roliku pad pieśniu biełarusaŭ1

U «Minsk-Śviecie» pabačyli dziŭnuju žyviołu: minčuki spračajucca, chto heta moža być13

ŚMI raskryli prosty i realistyčny płan, jak Tramp zmoža zastavacca prezidentam ZŠA da 2037 hoda29

«Siadzieŭ siem razoŭ za kradziažy». Kałarytny biełarus trapiŭ va ŭkrainski pałon, pavajavaŭšy tydzień2

Były palitviazień Viktar Łosik raspavioŭ pra svajo vyzvaleńnie i pierajezd ź siamjoj u Polšču

Rabaŭ raskazaŭ, jakim budzie nadvorje ŭ krasaviku1

Sakretny dakumient Pientahona pakazaŭ rezkuju źmienu vajennych pryjarytetaŭ ZŠA7

«Charčraźviorstka na bankaŭskim uzroŭni». Łojka patłumačyła, jak razumieć pieršyja zajavy Hałoŭčanki na čale Nacbanka9

Pieršaja sproba vadałazaŭ dabracca da patanułaj mašyny ŭ Padbrodździ akazałasia niaŭdałaj7

bolš čytanych navin
bolš łajkanych navin

«Prosta ŭ straŭnik myšy zalivajem dozu ałkaholu». Navukoviec — niasumna pra azempik, tłušč, ałkahol i źmienu hienaŭ1

«Prosta ŭ straŭnik myšy zalivajem dozu ałkaholu». Navukoviec — niasumna pra azempik, tłušč, ałkahol i źmienu hienaŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić