U haradach Rasii pačali źjaŭlacca šyldy z paznačeńniem bambaschoviščaŭ
Ułady Rastova-na-Donie, Biełharada, Branska, Kurska i Novakuźniecka paviesili na vulicach tablički, na jakich paznačana raźmiaščeńnie bambaschoviščaŭ
Na praciahu minułaha tydnia stała viadoma pra źjaŭleńnie takich šyldaŭ u haradach rasijskich rehijonaŭ, što miažujuć z Ukrainaj, zaŭvažyła rasijskaja «Miediazona».
U Rastovie-na-Donie takija ŭkazalniki raźmiaścili ŭ centry horada. Paviedamlajecca taksama, što jašče ŭ vieraśni ŭłady haradoŭ i stanic kraju zapatrabavali ŭ kiraŭnikoŭ kampanij ačyścić padvalnyja pamiaškańni šmatkvaternych damoŭ dla ŭładkavańnia miescaŭ, dzie možna schavacca.
U Biełharadzie na ścieny damoŭ napramki, dzie šukać bambaschoviščy, pačali nanosić z dapamohaj bałončykaŭ i trafaretaŭ. Usiaho da kanca listapada płanujuć raźmiaścić 700 takich ŭkazalnikaŭ. Ułady prosiać haradžan «zachoŭvać spakoj» i paviedamlajuć, što jany «pracujuć na apiaredžańnie».
U Klincach i Bransku ŭkazalniki pačali źjaŭlacca jašče ŭ žniŭni. U kancy kastryčnika hubiernatar vobłaści Alaksandr Bahamaz daručyŭ padnačalenym pravieryć stan bambaschoviščaŭ.
Kamientary