Udałosia paćvierdzić asobu biełarusa, uziataha ŭ pałon bryhadaj chutkaha reahavańnia Nacyjanalnaj hvardyi Ukrainy. Pałonnaha zavuć Andrej Hieryłovič, jamu 34 hady, paviedamlaje Biełaruski rasśledavalnicki centr.
Na videa jon krytykuje svaich kamandziraŭ i abvinavačvaje ich.
Voś što pra jaho viadoma. Jon rodam ź vioski Zaspa Rečyckaha rajona. Paśla škoły pracavaŭ u miascovym kałhasie «Savieckaja Biełaruś».
Zatym słužyŭ praparščykam u vajskovaj čaści № 68473 u Kałodziščach (86-ja bryhada suviazi). Dalej pracavaŭ alpinistam-mantažnikam u pryvatnaj firmie.
Jaho žonka admoviłasia ad kamientaroŭ.
Apaznać Hieryłoviča dapamahli «Kibierpartyzany». Daradca ministra ŭnutranych spraŭ Ukrainy Anton Hieraščanka paćvierdziŭ jahonuju asobu. «Paćviardžaju. Heta jon», — napisaŭ jon u adkaz na zapyt.
Hieraščanka nie viedaje abstaviny pałonu Hieryłoviča, ale, ź jahonych słoŭ, jaho vina — heta «ŭdzieł u złačynnaj vajnie suprać Ukrainy».
20 listapada bryhada chutkaha reahavańnia Nacyjanalnaj hvardyi Ukrainy raźmiaściła ŭ svaim telehram-kanale videa z pałonnym najmitam z PVK «Vahnier». Pa danych Nachvardyi, bajec maje pazyŭny «Zaspa» (što supadaje z nazvaj jaho rodnaj vioski), jon prymaŭ niepasredny ŭdzieł u bajavych dziejańniach suprać Ukrainy, u pryvatnaści, karektujučy artyleryju rasijskich najmitaŭ.
Ciapier čytajuć
Što kažuć Mackievič, Karpaŭ, Čarniaŭskaja i inšyja pra pres-kanfierencyju Babaryki i Kaleśnikavaj39
Što kažuć Mackievič, Karpaŭ, Čarniaŭskaja i inšyja pra pres-kanfierencyju Babaryki i Kaleśnikavaj
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»2929
Kamientary