U Biełarusi razhledziać pytańnie tranślitaracyi ŭ hieahrafičnych nazvach z vykarystańniem ruskaj movy
U Biełarusi budzie razhledžana pytańnie tranślitaracyi ŭ hieahrafičnych nazvach vulic i nasielenych punktaŭ z vykarystańniem ruskaj movy, paviedamiŭ siońnia kiraŭnik Administracyi Łukašenki Ihar Sierhiejenka.
«Budzie razhledžana pytańnie tranślitaracyi ŭ hieahrafičnych nazvach vulic i nasielenych punktaŭ z vykarystańniem ruskaj movy. Ciapier pastupajuć zvaroty hramadzian pa hetym pytańni, i my vyrašyli razhledzieć jaho i ŭnieści jasnaść, jak dalej vykarystoŭvać ruskuju movu ŭ nazvach vulic, nasielenych punktaŭ, u transparcie», — padkreśliŭ Ihar Sierhiejenka, vystupajučy pierad Respublikanskim savietam pa histaryčnaj palitycy pry Administracyii.
Taksama jon zajaviŭ, što pomnik narodnamu adzinstvu pavinien znachodzicca ŭ centry Minska.
«Na siońniašnim mierapryjemstvie buduć razhledžany niekalki pytańniaŭ. Pieršaje ź ich — heta vyniki kompleksnaj pravierki Instytuta historyi Nacyjanalnaj akademii navuk. Była stvorana rabočaja hrupa, u jakuju ŭvajšli śpiecyjalisty z roznych śfier. Staviłasia meta acanić navukovy patencyjał našaha Instytuta historyi jak hałaŭnoj arhanizacyi daśledčaj dziejnaści», — skazaŭ Ihar Sierhiejenka. Na mierapryjemstvie płanujecca razhledzieć, jak zadziejničajecca navukovy patencyjał, jak rychtujucca kadry vyšejšaj kvalifikacyi ŭ Instytucie historyi NAN. Hety instytut źjaŭlajecca kaardynujučaj strukturaj u śfiery histaryčnaj palityki Biełarusi», — zajaviŭ Sierhiejenka.
Paźniej BiełTA vydaliła paviedamleńnie pra pytańnie tranślitaracyi sa svajho sajta.
«Maja pamyłka, što zapisvaju videa». Čym skončylisia rezanansnyja zvaroty da Łukašenki?10
Kamientary
Chaj adrazu z kitiajskaj robiać tranśliteracyju, sens z rasiejskaj kali chutka da Ŭrała budzie aficyjnaj ukrainskaja? 8-)
Ujavicie, Miša Babič, katoraha vy z kalkulataram pad bokam pad śmiech z MZS (tady jašče- MZS, a ciapier - Biełorusskij otdieł MID RF) vykinuli z krainy... dyk hety Miša na T-90 pryjazdžaje ŭ Drazdy i z nahi adčyniaje dźviery dy zakidvaje boty na stoł. Karcina masłam. I pačali vy, durni, da takoha scenaru ruchacca ŭ 1995, praciahnuli z padpisańniem "darožnych mapaŭ" i ŭvodam vojska. Ciapier zaviaršycie astatnimi štrychami pa rusifikacyi Biełarusi dla novych haspadaroŭ. Idyjoty samyje nastajaščyje.
Adna prośba: macujcie ukazalniki z ruskimi nazvami macniej, vam na ich jašče visieć.