У Беларусі разгледзяць пытанне транслітарацыі ў геаграфічных назвах з выкарыстаннем рускай мовы
У Беларусі будзе разгледжана пытанне транслітарацыі ў геаграфічных назвах вуліц і населеных пунктаў з выкарыстаннем рускай мовы, паведаміў сёння кіраўнік Адміністрацыі Лукашэнкі Ігар Сергеенка.
«Будзе разгледжана пытанне транслітарацыі ў геаграфічных назвах вуліц і населеных пунктаў з выкарыстаннем рускай мовы. Цяпер паступаюць звароты грамадзян па гэтым пытанні, і мы вырашылі разгледзець яго і ўнесці яснасць, як далей выкарыстоўваць рускую мову ў назвах вуліц, населеных пунктаў, у транспарце», — падкрэсліў Ігар Сергеенка, выступаючы перад Рэспубліканскім саветам па гістарычнай палітыцы пры Адміністрацыіі.
Таксама ён заявіў, што помнік народнаму адзінству павінен знаходзіцца ў цэнтры Мінска.
«На сённяшнім мерапрыемстве будуць разгледжаны некалькі пытанняў. Першае з іх — гэта вынікі комплекснай праверкі Інстытута гісторыі Нацыянальнай акадэміі навук. Была створана рабочая група, у якую ўвайшлі спецыялісты з розных сфер. Ставілася мэта ацаніць навуковы патэнцыял нашага Інстытута гісторыі як галаўной арганізацыі даследчай дзейнасці», — сказаў Ігар Сергеенка. На мерапрыемстве плануецца разгледзець, як задзейнічаецца навуковы патэнцыял, як рыхтуюцца кадры вышэйшай кваліфікацыі ў Інстытуце гісторыі НАН. Гэты інстытут з'яўляецца каардынуючай структурай у сферы гістарычнай палітыкі Беларусі», — заявіў Сергеенка.
Пазней БелТА выдаліла паведамленне пра пытанне транслітарацыі са свайго сайта.
Былы афіцэр, выжыў у страшным баі. Хто той каліновец Верамейчык, якога В’етнам аддаў беларускаму КДБ?36
Каментары
Хай адразу з кітяйскай робяць транслітэрацыю, сэнс з расейскай калі хутка да Ўрала будзе афіцыйнай украінская? 8-)
Уявіце, Міша Бабіч, каторага вы з калькулятарам пад бокам пад смех з МЗС (тады яшчэ- МЗС, а цяпер - Белорусскій отдел МІД РФ) выкінулі з краіны... дык гэты Міша на Т-90 прыязджае ў Дразды і з нагі адчыняе дзверы ды закідвае боты на стол. Карціна маслам. І пачалі вы, дурні, да такога сцэнару рухацца ў 1995, працягнулі з падпісаннем "дарожных мапаў" і ўводам войска. Цяпер завяршыце астатнімі штрыхамі па русіфікацыі Беларусі для новых гаспадароў. Ідыёты самые настаяшчые.
Адна просьба: мацуйце указальнікі з рускімі назвамі мацней, вам на іх яшчэ вісець.