U Polščy 25-hadovaja dziaŭčyna z nažom napała na supracoŭnicu banka. Ale jaje kijkom addubasiła 90-hadovaja babula
Zdareńnie adbyłosia ŭ aŭtorak u Pšemyśli ŭ PKO Bank Polski.
Incydent adbyŭsia ŭ aŭtorak paśla 16-ci hadzin. U adździaleńnie banka ŭvajšła maładaja žančyna, jakaja zatym prystaviła nož da horła adnoj z rabotnic i zapatrabavała 12 tysiač 550 złotych (kala 2 500 dalaraŭ). Žančyna, pakujučy hrošy ŭ sumku, tuzała za vałasy supracoŭnicu banka i pahražała pazbavić jaje žyćcia.
Ale tut da jaje padyšła 90-hadovaja žančyna, jakaja kijkom niekalki razoŭ udaryła napadnicu. Paśla padaśpieli supracoŭniki banka, jakija zatrymali dziaŭčynu. Na miesca byli vyklikanyja palicyja i chutkaja dapamoha.
Viadoma, što napadnica maje dvajnoje hramadzianstva — ukrainskaje i rasijskaje, žyvie ŭ Maskvie. Pry sabie ŭ žančyny byli leki, jakija śviedčać ab tym, što jana nazirajecca ŭ psichijatryčnym špitali. Noč žančyna praviała ŭ palicejskim izalatary, a zatym była aryštavanaja na dva miesiacy.
Viadoma, što ŭ jaje nie było hrošaj na bilety, nie było dzie žyć, a nieabchodna było pajechać u Varšavu. Tamu jana i pryniała fatalnaje rašeńnie ab atrymańni hrošaj takim sposabam, — raspaviała Marta Piatkoŭskaja, pres-sakratar prakuratury ŭ Pšemyśli.
Dziaŭčynie pahražaje da troch hadoŭ turmy.
Ciapier čytajuć
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»36
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary