Jak machlary padmanvajuć biełarusaŭ. Sabrali najbolš papularnyja mietady

Pakupki z dastaŭkaj

Adzin z najbolš papularnych mietadaŭ machlarstva adbyvajecca praz «kuplu» tavaraŭ na Kufry, Anłajniery dy inšych sajtach dla raźmiaščeńnia abjaŭ. Hałoŭnaja meta takich «pakupnikoŭ» — zavałodać danymi bankaŭskaj kartki pradaŭca. Kab ich atrymać, jany prapanujuć nabyć tavar praz servis «Kufar dastaŭka» (abo z dapamohaj «Jeŭrapošty», kali na inšym sajcie). 

Takich machlaroŭ abjadnoŭvaje toj fakt, što jany šukajuć svaich achviar praź miesiendžary telehram, vajbier, votsap, pryčym robiać heta vyklučna piśmova. Zvyčajna paviedamleńni prychodziać u ličanyja chviliny paśla publikacyi abjavy. Machlary ŭdakładniajuć, ci dasiažny tavar dla kupli, dadatkova zadajuć adno ci dva standartnyja pytańni pra stan rečy. Paśla chutka pahadžajucca na kuplu i prapanujuć aformić dastaŭku. 

Pavialičyć

Takija «pakupniki» apieratyŭna «pieravodziać» hrošy za tavar, a ŭ padćviardžeńnie raźliku dasyłajuć skryn. Dalej jany adpraŭlajuć spasyłku na sajt, dzie pradaŭcu nieabchodna ŭvieści danyja svajoj bankaŭskaj kartki, u tym liku CVV-kod. Sajty, na jakija jany dajuć spasyłki, źniešnie nahadvajuć sajty «Kufra» abo «Jeŭrapošty», ale heta pastka. Paśla taho, jak čałaviek zapoŭnić na im infarmacyju, danyja jahonaj bankaŭskaj kartki patrapiać da machlaroŭ. 

Pavialičyć

Kab vyklikać mienš padazreńniaŭ, jany ŭstaloŭvać na avatarcy fota z vyjavaj realnaha čałavieka i prapisvajuć imia i proźvišča.

Tak, naprykład, machlary vykarystoŭvajuć dla imia «Taćciana Asipoŭskaja». Vidać, što ŭ pieršaj pałovie hoda numar, zarehistravany ŭ Viber, mieŭ estonski kod, a ŭžo letam karystalnik z tym ža zdymkam i inicyjałami dasyłaŭ paviedamleńni ŭ Viber z rasijskaha numara. Miarkujučy pa znojdzienaj infarmacyi, machlary vykarystoŭvajuć hetaje imia jak minimum ź vieraśnia 2021 hoda. Jany pisali taksama z łatvijskaha numara. 

Tym nie mienš, viadomy šerah vypadkaŭ, kali machlary majuć numar, zarehistravany ŭ Biełarusi. 

Vydajuć sabie za supracoŭnikaŭ banka i milicyi

Inšy davoli papularny mietad — zvanki ŭ miesiendžary pad vyhladam supracoŭnikaŭ banka. Machlary, jakija nazyvajucca bankaŭskimi rabotnikami, zvyčajna kažuć pra toje, što z rachunku klijenta ažyćciaŭlajucca padazronyja apieracyi. Kab praduchilić źniknieńnie hrošaj z rachunku, iłžebankiry prosiać achviaru pradyktavać danyja kartki. 

Časam iłžebankiry pracujuć u pary z fejkavymi milicyjantami, na jakich «pieraklučajuć» achviaru padčas razmovy.

Z časam machlary prydumvajuć usio novyja schiemy dla atrymańnia źviestak. Viadomyja vypadki, kali «supracoŭniki banka» nie zapytvajuć danyja kartki naŭprost, a prosiać davierlivych hramadzian ustalavać aplikacyju na svoj telefon. Havorka idzie pra dadatak, jaki daje addaleny dostup da telefona ź luboha kampjutara. Čaściej za ŭsio heta AnyDesk.

Pavialičyć

Paśla ŭstalavańnia dadatka, złamyśnik bačyć usie dziejańni na zachoplenym telefonie. Kali čałaviek skarystajecca internet-bankinham, uviadzie parol i atrymaje sms-kod, usie hetyja danyja ŭbačyć i machlar. U vyniku jon atrymaje poŭny dostup da rachunku achviary.

Cikava, što telefonnyja machlary nie tolki namahajucca zavałodać hrašyma, jakija jość na rachunku achviary, ale i vymušajuć čałavieka aformić na svajo imia kredyt.

U takich vypadkach machlary nazyvajucca supracoŭnikami milicyi i paviedamlajuć achviary, što ad jaje imia ŭ roznyja banki byli nakiravanyja zajaŭki na atrymańnie kredytaŭ. Paśla «milicyjant» pieraklučaje surazmoŭcu na «supracoŭnika» banka.

Pavialičyć

Iłžebankir kaža, što ŭ adnym z bankaŭ sprabujuć aformić kredyt na imia surazmoŭcy. Dla praduchileńnia jaho afarmleńnia čałaviek musić samastojna pryjechać u bank i aformić kredytny dahavor. Paśla afarmleńnia kredytu machlary rajać pieravieści hrošy na rachunak, jaki jany dasyłajuć. Pa ich słovach, rabić heta patrebna dla taho, kab hrošy nie źnikli. 

Zadatki za nieisnujučyja aŭtamabili

Inšy davoli raspaŭsiudžany vid machlarstva — vymańvańnie zadatkaŭ ci pieradapłaty za nieisnujučyja tavary. 

Takija machlary raźmiaščajuć abjavy ab prodažy tavaraŭ pa zanižanym košcie. Niaredka takim čynam pradajuć aŭtamabili. Sutnaść schiemy zaklučajecca ŭ tym, kab vymanić jak maha bolej hrošaj u vyhladzie zadatku. Iłžepradaviec zajaŭlaje, što pradaje mašynu pa zanižanym košcie, bo jamu terminova spatrebilisia hrošy. Paśla jon kaža, što žadajučych nabyć aŭtamabil pa pryvabnym košcie šmat, tamu treba adpravić zadatak. 

Pavialičyć

U adnym z takich vypadkaŭ aŭtaamatar paśpieŭ pieravieści machlaram 5 tysiač rubloŭ za nieisnujučy aŭtamabil. Zaŭvažana, što «pradaviec» kantaktavaŭ nie praź miesiendžar, a pa zvyčajnym telefonie, numar jakoha, jak vyśvietliłasia paźniej, pracavaŭ u roŭminhu. Bankaŭski rachunak «pradaŭca» taksama byŭ zarehistravany za miažoj. 

30% pieradapłaty dla 40% ekanomii

Taksama viadoma pra vypadki, kali machlary biaruć pieradapłatu ŭ pamiery 30% ad koštu aŭtamabila, jaki jany abiacajuć pryvieźci ź Jeŭropy na zamovu. Naturalna, što nijakija aŭto na 40% nižej za rynkavy košt žadajučyja sekanomić nie atrymlivajuć.

Adpačynak u nieisnujučym domie

Aproč nieisnujučych tavaraŭ, machlary «akazvajuć» pasłuhi za vykanańnie jakich patrabujuć pieraličyć pieradapłatu. Tak, naprykład, vynachodlivyja ašukancy zdavali ŭ arendu dom na drevie dla adpačynku. Dla broni jany patrabavali pieravieści 50% ad koštu arendy. Padrabiaźniej pra adzin z takich vypadkaŭ «Naša Niva» pisała raniej.

Pa infarmacyi MUS, ciaham 11 miesiacaŭ biahučaha hoda tolki telefonnyja machlary vymanili ŭ biełarusaŭ bolš za 4,5 miljona dalaraŭ. I heta daloka nie poŭnyja ličby, pakolki nie kožny, chto sutyknuŭsia z ašukanstvam, źviarnuŭsia ŭ milicyju.

Čytajcie taksama: 

Novy vid machlarstva? Biełarusam prapanujuć adpačynak u nieisnujučym domie na drevie 

Ašukancy vymanili ŭ minčanki bolš za 326 tysiač rubloŭ, vydaŭšy siabie za milicyjantaŭ i bankiraŭ

«Za košt amartyzacyi pry lizinhu mašyna vychodzić na 40% tańniej». U Biełarusi aktyvizavalisia aŭtamachlary. Pa jakoj schiemie jany pracujuć?

• 2
• 7
• 2
• 1
• 1
• 6