U małoj zale Pałaca respubliki 17 kastryčnika adbudziecca kancert 11 biełaruskich rok‑hurtoŭ u padtrymku hramadskaj dabračynnaj arhanizacyi «Biełaruski dziciačy chośpis».
Pra heta paviedamiŭ śpiecyjalist pa pryciahnieńni srodkaŭ i resursaŭ Biełaruskaha dziciačaha chośpisa Maksim Padbiarozkin 14 kastryčnika na pres‑kanfierencyi ŭ Minsku.
Pavodle jaho słoŭ, akcyja prymierkavana da 15‑hodździa dabračynnaj arhanizacyi. U kancercie voźmuć udzieł hurty «DzieciDziaciej», «Novy Ijerusalim», «Stary Olsa», «Niejra Dziubiel», «Charli», Naka i inš. Usie muzykanty vystupiać žyvym hukam. Vyručanyja hrošy pojduć na dapamohu chvorym dzieciam — pacyjentam Biełaruskaha dziciačaha chośpisa.
Biełaruski dziciačy chośpis byŭ stvorany ŭ kastryčniku 1994 hoda pa inicyjatyvie Respublikanskaha dziciačaha ankahiematałahičnaha centra. Meta dziejnaści chośpisa — dapamoha siemjam, u jakich jość dzieci abo padletki ź nievylečnymi abo chraničnymi zachvorvańniami, što abmiažoŭvajuć termin ich žyćcia.
Asnoŭnaja dapamoha pacyjentam akazvajecca doma.Da siamji chvoraha dziciaci prymacoŭvajecca tak zvanaja «kamanda apieki», jakaja składajecca z urača, miedsiastry, sacyjalnaha rabotnika, vałancioraŭ. Pry nieabchodnaści siamju naviedvajuć psichołah, siadziełka i śviatar. Chośpis taksama moža dać miesca dla časovaha ŭtrymańnia dziciaci. Dla ankałahičnych chvorych na bazie chośpisa stvorany mini‑stacyjanar na čatyry siamji, u jakim mahčyma kruhłasutačnaje biez abmiežavańnia terminaŭ znachodžańnia chvoraha dziciaci z baćkami. Chośpis akazvaje psichałahičnuju dapamohu baćkam chvorych dziaciej, pryčym heta praca praciahvajecca i paśla straty dziciaci. Usia dapamoha biazvypłatnaja.
Štohod chośpis padtrymlivaje 120—130 siemjaŭ. U 2008 hodzie dabračynnaja arhanizacyja akazała dapamohu 570 hramadzianam. Pad apiekaj chośpisa znachodziłasia 126 siemjaŭ, u jakich vychoŭvałasia 128 chvorych dziaciej.
Ciapier čytajuć
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści41
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ1010
Kamientary