Jakim budzie nadvorje z 26 śniežnia pa 1 studzienia, raspaviali ANT sinoptyki.
Na nastupnym tydni, na žal, zimovaj kazki čakać nie varta: praciahnuć pastupać nie pa siezonie ciopłyja pavietranyja masy z Atłantyki z daždžami i mokrym śnieham. U bolšaści rehijonaŭ čakajecca syroje nadvorje.
U pačatku tydnia ŭmovy nadvorja stanuć vyznačać atmaśfiernyja franty z Zachodniaj Jeŭropy. Budzie vobłačna, ź nievialikimi prajaśnieńniami. Časam mokry śnieh, doždž. Viecier paŭdniovy, paŭdniova-zachodni, umierany. Vilhotnaść da 90 pracentaŭ. Miescami tuman, na asobnych učastkach daroh hałalodzica.
Unačy ad +1°C pa paŭdniovym zachadzie da -5°C pa paŭnočnym uschodzie, pry prajaśnieńniach da -8°C marozu. Dniom u paniadziełak ad -2°C pa paŭnočnym uschodzie da +6°C pa zachadzie, u aŭtorak 0°C…+3°C.
U siaredzinie tydnia Biełaruś budzie znachodzicca ŭ zonie ŭpłyvu ciopłych, niaŭstojlivych, vilhotnych pavietranych mas z paŭdniovych šyrot. Jany pryniasuć apadki ŭ vyhladzie mokraha śniehu i daždžu. U asobnych rajonach słaby tuman, bačnaść da kiłamietra, słaby hałalod, vilhotnaść da 90 adsotkaŭ. Tempieratura ŭ sieradu nočču ad -3°C da +2°C, dniom 0…+3°C.
U pačatku druhoj pałovy tydnia pryjdzie ciopłaje pavietra z paŭdniovaha zachadu. Budzie pachmurna, doždž, mokry śnieh. Nočču ad 0°C…+5°C, dniom u čaćvier +1°C…+6°C, u piatnicu +1°C…+7°C.
I, papiarednie, u navahodnija vychadnyja nadvorje istotna nie źmienicca — budzie ciopła i syra, vobłačna, projdzie nievialiki doždž, mokry śnieh. Vilhotnaść da 100 pracentaŭ. Nočču -1°C…+5°C, dniom u subotu ad +1°C…+5°C, u niadzielu -1°C…+1°C.
Kali Kanapackaja stała całkam padkantrolnaja Łukašenku?16
Kamientary
lepš druhija prahnozy dajcie
i nie padmannyja
bo ŭ maim siońniašnim śnie bambili zdajecca Minsk...