Voś krocik kročyć cieraz pole.
Niasie jon skrypačku pabolej.
Zusim nia tak jaje trymaje –
Čamuści siedziačy ihraje.
I ŭsie ździŭlajucca pad lipkaj:
«Nibyta skrypka, dy nia skrypka».
Na čym, daznacca b my chacieli,
Jon hraje? Na...
(vijalančeli)
Pryjšoŭ pad lipku ślimačok
I z torby vyciahnuŭ smyčok.
A potym instrument uziaŭ
I na plačo jaho pakłaŭ.
Zajhraŭ. I ceły dzień pad lipkaj
Piaščotna ŭsim śpiavała...
(skrypka)
A śledam ciahniecca indyk.
Ŭžo nie smyčok niasie, a smyk.
Siabroŭ sklikaje na padmohu –
Pastavić skrypku na padłohu:
I znoŭku dziviacca pad lipkaj:
«Nibyta skrypka, dy nia skrypka!»
A sprava ŭ tym, što ŭ hety raz
Hučaŭ pad lipkaj...
(kantrabas)
Tut kuzurka prybiahała
I pa klavišach skakała –
I pa biełych, i pa čornych
Razam z čaplaj i varonaj.
Pa čarzie syhrali hamu,
Vals i polečku taksama.
Zdahadacca nie składana.
Hrali ŭsie na....
(fartepijana)
Malunki Siarhieja Chareŭskaha
Kamientary