Вось кроцік крочыць цераз поле.
Нясе ён скрыпачку паболей.
Зусім ня так яе трымае –
Чамусьці седзячы іграе.
І ўсе зьдзіўляюцца пад ліпкай:
«Нібыта скрыпка, ды ня скрыпка».
На чым, дазнацца б мы хацелі,
Ён грае? На...
(віялянчэлі)
Прыйшоў пад ліпку сьлімачок
І з торбы выцягнуў смычок.
А потым інструмэнт узяў
І на плячо яго паклаў.
Зайграў. І цэлы дзень пад ліпкай
Пяшчотна ўсім сьпявала...
(скрыпка)
А сьледам цягнецца індык.
Ўжо не смычок нясе, а смык.
Сяброў склікае на падмогу –
Паставіць скрыпку на падлогу:
І зноўку дзівяцца пад ліпкай:
«Нібыта скрыпка, ды ня скрыпка!»
А справа ў тым, што ў гэты раз
Гучаў пад ліпкай...
(кантрабас)
Тут кузурка прыбягала
І па клявішах скакала –
І па белых, і па чорных
Разам з чапляй і варонай.
Па чарзе сыгралі гаму,
Вальс і полечку таксама.
Здагадацца не складана.
Гралі ўсе на....
(фартэпіяна)
Малюнкі Сяргея Харэўскага
Каментары