Kamitet pa pravach čałavieka AAN u Ženievie (Šviejcaryja) pryniaŭ da razhladu skarhu minčanki Haliny Jubko.
Kamitet pa pravach čałavieka AAN u Ženievie (Šviejcaryja) pryniaŭ da razhladu skarhu minčanki Haliny Jubko.
U intervju BiełaPAN Jubko paviedamiła, što 19 studzienia 2007 hoda źviarnułasia ŭ Minski harvykankam z zajaŭkaj na praviadzieńnie pikieta 50 žančynami z usich rehijonaŭ krainy, jakija paciarpieli ad asabliva ciažkich złačynstvaŭ i jakija nie zhodny z rašeńniami sudoŭ pa svaich hramadzianskich spravach i kryminalnych spravach svajakoŭ. Metaj akcyi Jubko nazvała pryciahnieńnie ŭvahi hramadstva i dziaržavy da prablemy parušeńnia kanstytucyjnych pravoŭ i mižnarodnych dahavoraŭ Biełarusi pry razhladzie kryminalnych i hramadzianskich spraŭ.
«Adnak haradskija ŭłady mnie admovili, matyvujučy heta namieram udzielnikaŭ akcyi ŭmiašacca ŭ dziejnaść sudoŭ», — skazała Jubko. 27 lutaha 2007 hoda jana źviarnułasia ŭ sud Maskoŭskaha rajona Minska sa skarhaj na niepravamiernyja dziejańni harvykankama.3 krasavika sudździa suda Maskoŭskaha rajona Volha Husakova nie zadavoliła jaje skarhu. «Na praciahu vaśmi miesiacaŭ ja biezvynikova źviartałasia va ŭsie sudovyja instancyi krainy, u tym liku ŭ Kanstytucyjny sud. Z‑za taho što maje pravy nie byli adnoŭleny ajčynnym sudom, 18 lutaha 2009 hoda ja źviarnułasia ŭ Kamitet pa pravach čałavieka AAN z prośbaj pryznać parušeńnie Minharvykankamam pravoŭ na svabodnaje vykazvańnie svajoj dumki i mirnyja schody, dadzienych Mižnarodnym paktam ab hramadzianskich i palityčnych pravach, da jakoha dałučyłasia Biełaruś», — paviedamiła Jubko.
U intervju BiełaPAN juryst Tamara Siarhiej zaznačyła, što Kamitet pa pravach čałavieka AAN daje šeść miesiacaŭ biełaruskaj dziaržavie dla tłumačeńnia skarhi Jubko. Kali na praciahu hetaha terminu biełaruskija čynoŭniki adnoviać parušanyja pravy Jubko, Kamitet pa pravach čałavieka AAN prymie rašeńnie ab spynieńni spravy. U advarotnym vypadku, pavodle słoŭ jurysta, pracedura razhladu skarhi minčanki budzie praciahvacca da pryniaćcia rašeńnia.
7 kastryčnika 2004 hoda ŭ vioscy Zacharaŭka Krupskaha rajona Minskaj vobłaści była zabita i spalena rodnaja siastra Haliny Jubko. Na praciahu piaci hadoŭ minčanka damahajecca abjektyŭnaha rasśledavańnia kryminalnaj spravy pa fakcie zabojstva.
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ20
Kamientary