Biełaruskamu karespandentu rasijskaj «Novoj haziety» Irynie Chalip 20 kastryčnika ŭ Ńju‑Jorku budzie ŭručana ŭznaharoda Mižnarodnaha fondu žančyn u ŚMI.
Biełaruskamu karespandentu rasijskaj «Novoj haziety» Irynie Chalip 20 kastryčnika ŭ Ńju‑Jorku budzie ŭručana ŭznaharoda Mižnarodnaha fondu žančyn u ŚMI (International Women's Media Foundation — IWMF) «Za mužnaść u žurnalistycy».
U paviedamleńni dla presy havorycca, što ŭznaharoda prysudžana «biełaruskaj žurnalistcy, jakuju časta aryštoŭvajuć i jakaja źviedvaje načnyja dopyty ŭ palicyi», a taksama radyjoreparcioru z Kamieruna Ahnies Taje i žurnalistcy ź Irana Džyle Bańjahub.
«Hetyja vydatnyja žurnalistki zrabili vybar na karyść aśviatleńnia navinaŭ u troch krainach, dzie pošuk praŭdy stavić ich pad pahrozu aryštu, fizičnaj raspravy i navat hibieli», — zajaviła staršynia kamiteta fondu pa prysudžeńni ŭznaharod Džudzi Vudraf.
Zasnavanaja ŭ 1990 hodzie ŭznaharoda IWMF «Za mužnaść u žurnalistycy» prysudžajecca žančynam‑žurnalistam, jakija vykazali vyklučnuju siłu charaktaru i sumlennaść u niebiaśpiečnych abo ciažkich umovach. Z ulikam pieramožcaŭ hetaha hoda ŭznaharodu atrymali 66 žurnalistak.
Mižnarodny fond žančyn u ŚMI byŭ zasnavany ŭ 1990 hodzie dla ŭmacavańnia roli žančyn u maśmiedyja z metaj prasoŭvańnia svabody presy. Sietka IWMF abjadnoŭvaje žurnalistaŭ bolš jak 130 krain.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary