Pra admovu Safii Sapiezie ŭ pamiłavańni vydańniu «Miedyjazona» paviedamiŭ jaje advakat Anton Hašynski.
![](http://nnexpictures.fra1.digitaloceanspaces.com/img/w732d4webp1/photos/z_2022_06/43984898_324904388291106_6767422780683606359_n_1130x500_acf_cropped-mda62.jpg.webp)
Hramadzianka Rasii Safija Sapieha, zatrymanaja viasnoj 2021 hoda razam z Ramanam Pratasievičam pry pasadcy ŭ Minsku samalota avijakampanii Ryanair, adbyvaje šaścihadovy termin u kałonii za administravańnie telehram-kanała «Čornaja kniha Biełarusi».
Raniej paviedamlałasia, što pieršy etap pracedury pamiłavańnia dziaŭčyna, jakaja padčas śledčych dziejańniaŭ zaklučyła pahadnieńnie sa śledstvam, prajšła i da kanca 2022 hoda mahła być vyzvalenaja.
«Administracyja kałonii dała stanoŭčaje zaklučeńnie pa chadajnictvie Safii i pryznała, što joju pryniatyja ŭsie miery dla zvarotu pa pamiłavańnie. Dalej jaho budzie razhladać kamisija pa pytańniach pamiłavańnia pry Łukašenku, na heta moža syści kala 3 miesiacaŭ», — skazaŭ tady Anton Hašynski.
Sapieha padała prašeńnie Łukašenku praz administracyju žanočaj kałonii IK-4 u Homieli ŭ kancy červienia 2022 hoda. Zhodna z ukazam Łukašenki, kamisija ŭličvaje mierkavańnie administracyi kałonii, a taksama charaktar, ciažar i stupień hramadskaj niebiaśpieki ździejśnienaha złačynstva, asobu asudžanaha, jaho pavodziny, staŭleńnie da pracy, udzieł u samadziejnaści, termin adbytaha pakarańnia, pakryćcio naniesienaj škody i inšyja abstaviny.
Kamientary