U Minsku pačynajecca zavočny sud nad Cichanoŭskaj, Łatuškam i inšymi členami Kaardynacyjnaj rady

Usie abvinavačanyja pa kryminalnaj spravie znachodziacca za miažoj. A Śviatłana Cichanoŭskaja naohuł biare ŭdzieł u Suśvietnym ekanamičnym forumie ŭ šviejcarskim Davosie.

Zavočny sud nad saboj jana nazvała «farsam» i «pomstaj» z boku Alaksandra Łukašenki.

«Hetyja sudovyja pracesy — zusim nie sudovyja pracesy. Heta šou, fars, i da pravasudździa heta nie maje nijakaha dačynieńnia», — zajaviła Cichanoŭskaja.

Śviatłanie Cichanoŭskaj inkryminujecca 10 artykułaŭ Kryminalnaha kodeksa:

— č. 1 art. 13 i č. 1 art. 292 (padrychtoŭka da zachopu i ŭtrymańnia budynkaŭ i zbudavańniaŭ);

— č. 1 art. 13 i č. 2 art. 293 (padrychtoŭka da ŭdziełu ŭ masavych biesparadkach);

— č. 1 art. 357 (zmova z metaj zachopu dziaržaŭnaj ułady niekanstytucyjnym šlacham);

— čč.1 i 2 art. 361-1 (stvareńnie ekstremisckich farmavańniaŭ i kiraŭnictva imi, učynienyja paŭtorna);

— č. 3 art. 361 (publičnyja zakliki da zachopu dziaržaŭnaj ułady, ździajśnieńnia inšych dziejańniaŭ, nakiravanych na pryčynieńnie škody nacyjanalnaj biaśpiecy Respubliki Biełaruś);

— č. 3 art. 130 (naŭmysnyja dziejańni, nakiravanyja na raspalvańnie sacyjalnaj varožaści i varožaści pa prykmiecie inšaj sacyjalnaj prynaležnaści, učynienyja hrupaj asob);

— č. 1 art. 356 (inšaje akazańnie dapamohi zamiežnaj dziaržavie, mižnarodnaj abo zamiežnaj arhanizacyi i ich pradstaŭnikam u praviadzieńni dziejnaści, nakiravanaj na pryčynieńnie škody nacyjanalnaj biaśpiecy Respubliki Biełaruś, naŭmysna ździejśnienyja hramadzianinam Respubliki Biełaruś (zdrada dziaržavie);

— č. 4 art. 16 i art. 382 (arhanizacyja i kiraŭnictva samavolnaha prysvajeńnia zvańnia i ŭłady słužbovaj asoby, spałučanaha z udziełam na hetaj padstavie ŭ pieramovach i inšych sustrečach z pradstaŭnikami zamiežnych dziaržaŭ, zamiežnych i mižnarodnych arhanizacyj, u pasiadžeńniach mižnarodnych arhanizacyj);

— č. 2 art. 191 (pieraškoda pracy Centralnaj kamisii Respubliki Biełaruś pa vybarach i praviadzieńni respublikanskich refierendumaŭ, kamisij pa refierendumu, ździejśnienaje z prymianieńniem pahrozy i inšym sposabam, hrupaj asob pa papiaredniaj zmovie);

— č. 4 art.16 i č. 2 art. 342 (inšaja padrychtoŭka asob dla ŭdziełu ŭ hrupavych dziejańniach, jakija hruba parušajuć hramadski paradak).

Pavieł Łatuška abvinavačvajecca pa 8 artykułach Kryminalnaha kodeksa Biełarusi:

— č. 1 art. 357 (zmova, ździejśnienyja z metaj zachopu dziaržaŭnaj ułady niekanstytucyjnym šlacham);

— č. 3 art. 361 (publičnyja zakliki da zachopu dziaržaŭnaj ułady, ździajśnieńnia inšych dziejańniaŭ, nakiravanych na pryčynieńnie škody nacyjanalnaj biaśpiecy Respubliki Biełaruś;

— čč.1 i 2 art. 361-1 (stvareńnie ekstremisckich farmavańniaŭ i kiraŭnictva imi, učynienyja paŭtorna);

— č. 3 art. 130 (naŭmysnyja dziejańni, nakiravanyja na ŭzbudžeńnie inšaj sacyjalnaj varožaści i varožaści pa prykmiecie inšaj sacyjalnaj prynaležnaści, učynienyja hrupaj asob);

— č. 4 art. 16 i art. 382 (arhanizacyja i kiraŭnictva samavolnaha prysvajeńnia zvańnia i ŭłady słužbovaj asoby, spałučanaha z udziełam na hetaj padstavie ŭ pieramovach i inšych sustrečach z pradstaŭnikami zamiežnych dziaržaŭ, zamiežnych i mižnarodnych arhanizacyj, u pasiadžeńniach mižnarodnych arhanizacyj);

— č. 2 art. 191 (pieraškoda pracy Centralnaj kamisii Respubliki Biełaruś pa vybarach i praviadzieńni respublikanskich refierendumaŭ, kamisij pa refierendumu, ździejśnienaje z prymianieńniem pahrozy i inšym sposabam, hrupaj asob pa papiaredniaj zmovie);

— č. 3 art. 426 (naŭmysnaje ździajśnieńnie słužbovaj asobaj dziejańniaŭ, jakija vidavočna vychodziać za miežy pravoŭ i paŭnamoctvaŭ, pradastaŭlenych jamu pa słužbie, jakija paciahnuli pryčynieńnie istotnaj škody dziaržaŭnym i hramadskim intaresam (pieravyšeńnie ŭłady abo słužbovych paŭnamoctvaŭ), ździejśnienaje z karyślivaj i inšaj asabistaj zacikaŭlenaści asobaj, jakaja zajmaje adkaznaje stanovišča, jakija paciahnuli ciažkija nastupstvy);

— č. 3 art. 430 (pryniaćcie słužbovaj asobaj dla siabie materyjalnych kaštoŭnaściaŭ, jakija pradstaŭlajucca vyklučna ŭ suviazi z zajmanym słužbovym stanoviščam, za spryjalnaje rašeńnie pytańniaŭ, jakija ŭvachodziać u jaho kampietencyju, za vykanańnie ŭ intaresach dajučaha chabar i pradastaŭlenym im asob, dziejańnia, jakoje heta asoba pavinna było abo mahło ździejśnić z vykarystańniem svaich słužbovych paŭnamoctvaŭ (atrymańnie chabaru), u bujnym pamiery, učynienaje asobaj, jakaja zajmaje adkaznaje stanovišča).

Heta ŭžo nie pieršy zavočny sud u Biełarusi. Tak, administrataram «Čornaj knihi Biełarusi», a taksama kiraŭnikam Biełaruskaha fondu spartyŭnaj salidarnaści Alaksandru Apiejkinu i Alaksandry Hierasimieni dali pa 12 hadoŭ źniavoleńnia.

• 1
• 0
• 4
• 6
• 0
• 0
• 3
• 0