17 studzienia žychary Kałodziščaŭ pad Minskam stali śviedkami taho, jak adna sa zhraj badziažnych sabak, jakich ciapier tam raźviałosia niamała, zahryzła kazulu, paviedamlaje miascovaje vydańnie «Kałodziščy. Infa».
Žychary adnaho z rajonaŭ Kałodziščaŭ paviedamili ŭ redakcyju vydańnia, što praz darohu ad žyłoj zabudovy zhraja sabak u skryvaŭlenym śniezie raździraje tušu nieviadomaj žyvioliny. Sa słoŭ žycharki, jakaja apublikavała videa, sabaki pavodzili siabie vielmi ahresiŭna:
«Ciapier u 10:00 na Budaŭnikoŭ pamiž Družnaj i Panasiuka takaja voś karcina. Vyjšli z dvara — i tut ža pačali brachać sabaki, pryjšłosia dzicia na mašynie vieźci ŭ sad, zvyčajna pieššu, bo sad pobač. Niebiaśpiečna! Šeść badziažnych sabak. Škada, adłovu niama siońnia, a niadaŭna sabaki zahryźli susiedskuju košku», — napisała jana.
Paźniej jana dasłała jašče adno videa, źniataje ŭžo ŭ 11:50. Sabaki ŭsio jašče raździrali toje, što zastałosia ad žyvioły. Sa zdymka, dasłanaha jašče adnym čytačom, stała zrazumieła, što sabaki dzialili kazulu.
Žychary Kałodziščaŭ užo niekalki razoŭ padymali pierad uładami prablemu badziažnych žyvioł. U minułuju subotu namieśnik staršyni Minabłvykankama Alaksandr Kručanaŭ daručyŭ Minskamu rajvykankamu arhanizavać mierapryjemstvy pa adłovie.
Z pačatku hetaha hoda ŭ Kałodziščy ŭžo dvojčy vyjazdžała bryhada pa adłovie biazdomnych žyvioł, adnak pakul atrymałasia adłavić usiaho piać sabak.
Ciapier čytajuć
Jarasłaŭ Ramančuk daje prahnoz, kali skončycca vajna. I raskazvaje, čym ciapier zajmajecca i jak jaho šakavali zajavy Babaryki5
Kamientary
Polihon ja imieju v vidu.
Žutkovatoje miesto.