Hienierał-lejtenant Słužby źniešniaj raźviedki RF (SVR) u adstaŭcy Leanid Rašetnikaŭ u efiry rasijskaj prahramy «60 chvilin» na kanale «Rasija 1» zajaviŭ, što Ukraina i Biełaruś — heta Rasija.
Čarhovy vypusk prapahandysckaj prahramy byŭ pryśviečany vajnie va Ukrainie.
Rašetnikaŭ vykazvaŭsia ŭ tradycyjnym dla rasijskaj prapahandy rečyščy: Rasija naniesła «previentyŭny ŭdar», kali b jana heta nie zrabiła, «usio raźviarnułasia b na rasijskaj terytoryi», a Zachad vykarystoŭvaje vajnu dla źniščeńnia rasijskaj dziaržavy.
Pavodle jaho, Zachad choča «dabić Rasiju». «Jany adarvali vielmi šmat u nas», — skazaŭ Rašetnikaŭ, majučy na ŭvazie atrymańnie niezaležnaści Ukrainaj i Biełaruśsiu. «My stvaryli Ukrainu», — zajaviŭ Rašetnikaŭ.
— Ukraina — heta ž Rasija. Biełaruś — heta ž Rasija. Heta ž Rasija, — zajaviŭ adstaŭny hienierał-lejtenant SVR.
— Biełaruś — heta ŭ nas Sajuznaja dziaržava, — skazaŭ viadučy Jaŭhien Papoŭ.
— Sajuznaja, tak. Ale heta Rasija. Heta vialikaja Rasija…
— Niezaležnaja. Suvierennaja. Sajuznaja dziaržava, — pierabiŭ Papoŭ.
— Nie pałochajcie Alaksandra Ryhoraviča, — prakamientavała viadučaja Volha Skabiejeva.
— Jana [Biełaruś], miž inšym, u Sajuznaj dziaržavie znachodzicca. U adzinaj Sajuznaj dziaržavie, — padkreśliŭ Rašetnikaŭ.
Pavodle jaho, ciapier nastupiŭ najvažniejšy momant.
— Tak, my možam z boku Biełarusi pravieści niejkuju nastupalnuju akcyju, a moža i nie. Treba bierahčy miažu z Polščaj. Jany ledź nie adchapali dva hady tamu ŭ nas Zachodniuju Biełaruś. Praktyčna na vałasku ŭsio było. Kali b nie Maskva i prezident naš, mahčyma, my b stracili hetu Biełaruś (jon kaža «Biełoruśsiju» — NN.) jak Sajuznuju dziaržavu, — skazaŭ adstaŭny hienierał-lejtenant SVR.
Taksama jon zaŭvažyŭ, što rasijskija vajskoŭcy «aktyŭna pracujuć ź biełaruskim vojskam», «jaho vučać», bo ŭ biełaruskaj armii «dośviedu naohuł niama». Tym časam biełaruskaja prapahanda davodzić, što heta biełaruskija vajskoŭcy navučajuć rasijskich mabilizavanych u ramkach sumiesnaj rehijanalnaj hrupoŭki vojskaŭ u Biełarusi.
Kamientary
Ni-čie-ho, t.k. vsie diejstvija škłovskoho samorodka v Biełarusi, tolko podtvierždajut słova Riešietnikova.
Niesohłasny tie, kto nie chočiet pohibať za łukašienko i putina, i za ich Rośsiju, Rośsiju vorov i podlecov, a tiepieŕ i vojennych priestupnikov.