Na arenu vyjšaŭ Apieratyŭna‑analityčny centr pry prezidencie — novaja śpiecsłužba Łukašenki.
Jak stała viadoma «Biełaruskamu partyzanu» z krynicaŭ, jakija zasłuhoŭvajuć davieru, u Minsku zatrymany namieśnik načalnika adnaho z klučavych upraŭleńniaŭ KDB. Jaho aryštavali pry atrymańni chabaru ad žonki adnaho z abvinavačanych, jakija znachodziacca ŭ SIZA KDB.
Aryštavany namieśnik načalnika 3‑ha hłaŭka KDB, heta apieratyŭny adździeł Kamiteta. Spravu raspracoŭvaje Apieratyŭna‑analityčny centr pry prezidencie — novaja śpiecsłužba Łukašenki. Aryštoŭvali čekista pry ŭdziele supracoŭnikaŭ MUS.
Jak hety apieratyŭnik KDB ŭbłytaŭsia ŭ spravu ab chabary? Sprava ŭ tym, što «amerykanka» — śledčaja turma KDB — apošnim časam litaralna pierapoŭniena. Nikoli raniej, vyklučajučy stalinskija časy, u joj nie ŭtrymlivałasia tak šmat padślednych — kamiersantaŭ, supracoŭnikaŭ śpiecsłužbaŭ i inšych padazravanych.
Usio heta sparadziła spakusu ŭ niekatorych supracoŭnikaŭ KDB padzarabić, akazvajučy roznaha rodu sumnieŭnyja pasłuhi źniavolenym. Tak, jon prapanavaŭ žoncy adnaho z zatrymanych kamiersantaŭ za 30 tysiač dołaraŭ pamianiać aryšt na padpisku ab niavyjeździe. Žonka kamiersanta napisała zajavu ŭ Apieratyŭna‑analityčny centr pry prezidencie, i sprava zaviarciełasia.
U KDB hetaja historyja vyklikała litaralna šok. Atrymać jaki‑niebudź kamientar nie ŭjaŭlajecca mahčymym. Padobna na toje, što aryšt vysokapastaŭlenaha supracoŭnika KDB moža stać pieršaj hučnaj spravaj Centra, kali, jak časta byvaje ŭ Biełarusi, za hrachi načalnikaŭ nie buduć raspłačvacca padnačalenyja.
Ciapier čytajuć
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki2
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary