Hramadstva11

BRC: Alaksandr Šakucin praciahvaje zarablać miljony dalaraŭ u Jeŭropie, niahledziačy na nakładzienyja sankcyi

Alaksandr Šakucin, jaki trapiŭ pad sankcyi ES jak kašalok Łukašenki, praciahvaje vieści prybytkovy biznes u Hiermanii. Hetaj kampanijaj jon utojena kiruje praź litoŭskuju firmu, dziejnaść jakoj u Litvie zabaronienaja, a aktyvy — zamarožanyja, daviedaŭsia Biełaruski rasśledavalnicki centr.

Alaksandr Šakucin sprava

U 2020 hodzie biznesmien Alaksandr Šakucin patrapiŭ pad sankcyi Jeŭrasajuza za padtrymku Alaksandra Łukašenki.

Paśla hetaha dziejnaść jaho kampanij u Jeŭrasajuzie musiła być spynienaja. Adnak rasśledavańnie pakazała, što ŭ Hiermanii ŭ Šakucina jość kampanija, jakaja praciahvaje funkcyjanavać i prynosić prybytak.

Firma SV MASCHINEN zajmajecca pastaŭkami sielhastechniki va Uschodniuju Jeŭropu. Siarod jaje partnioraŭ — Amazone, New Holland i Lemken. Čałaviek z Hiermanii pa prośbie BRC pad vyhladam klijenta patelefanavaŭ u kampaniju z prośbaj aformić pastaŭku ŭ Biełaruś partyi impartnych kambajnaŭ. Mieniedžarka niamieckaha ofisa paćvierdziła, što heta mahčyma. A vyvučyŭšy finansavyja spravazdačy firmy, žurnalisty vyśvietlili, što jaje vałavy prybytak u 2020 hodzie — 3,5 miljona jeŭra. 

Apytanyja BRC ekśpierty ličać, što SV MASCHINEN udałosia abyści sankcyjnaje zakanadaŭstva ES dziakujučy zabłytanaj struktury ŭłaśnikaŭ. Jana źmianiłasia ŭ vieraśni 2020 hoda, niezadoŭha da ŭviadzieńnia abmiežavańniaŭ suprać Šakucina. Pieršapačatkova jon vałodaŭ kampanijaj razam z daŭnimi partniorami: Jarasłavam Bujalskim, Iharam Subocinym, Vitalom Varatnickim i Valancinam Jahoravym.

Ciapier ža siarod ułaśnikaŭ ź ich zastaŭsia tolki Jahoraŭ, jakomu naležyć 30% firmy. Astatnija 70% — u litoŭskaj kampanii EM SYSTEM.

Hetaja firma trapiła pad nacyjanalnyja sankcyi Litvy, i jaje aktyvy na 8 miljonaŭ jeŭra akazalisia zamarožanyja, jak i jašče 6 miljonaŭ jeŭra nieraźmierkavanaha prybytku.

Pryčynaj tamu — Alaksandr Šakucin, jaki źjaŭlajecca saŭładalnikam kampanii razam ź Iharam Subocinym.

Z-za suviazi z EM SYSTEM pad sankcyi patrapiła jašče adna litoŭskaja kampanija — Amkodor Baltic. Jaje rachunki zabłakavali mienavita za suviazi z Šakucinym, pra što stała viadoma z elektronnaha paviedamleńnia jurysta «Amkadora», jakoje trapiła ŭ internet.

U Hiermanii ž suviaź daččynaj kampanii EM SYSTEM z Šakucinym nie prasačyli, i jana paźbiehła abmiežavańniaŭ. Praciahvaje pracu i jaje pradstaŭnictva ŭ Minsku: u 2021 hodzie jaho čysty prybytak skłaŭ kala $1 miljona.

Takim čynam, Alaksandr Šakucin užo dva hady praciahvaje vieści dziejnaść u ES, niahledziačy na zabaronu Brusiela. BRC źviarnuŭsia ŭ Ministerstva finansaŭ Hiermanii za aficyjnym kamientaryjem i čakaje adkaz.

Matieryjał rasśledavalniki stvaryli pry sadziejańni JournalismFund.

Čytajcie taksama:

U Litvie zamarozili aktyvy, źviazanyja z Alaksandram Šakucinym

«Ja prezidenta čatyry hady nie bačyŭ!» Vialikaje intervju z Šakucinym — pra jaŭrejaŭ, varvarskuju palityku i vinavatych u razvale pramysłovaści

Šakucin ryzykuje paŭtaryć los Čyža — jeŭrapiejskija sankcyi razvalvajuć biznes

Kamientary1

  • daviedka
    27.01.2023
    Jedinstvienno, na čto hodny biełorusskije vuzy: postavka junych žion (lubovnic) dla Łukašienko, Šiejmana, Šakutina. 
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Palicyja Dubaja: 20-hadovaja madel z Ukrainy ŭpała z vyšyni na budoŭli14

Palicyja Dubaja: 20-hadovaja madel z Ukrainy ŭpała z vyšyni na budoŭli

Usie naviny →
Usie naviny

Nieviadomyja apahanili statuju Uejna Hrecki ŭ Edmantanie3

Tramp skasoŭvaje pravavy status 530 tysiač kubincaŭ, haicianaŭ, nikarahuancaŭ i vieniesuelcaŭ2

Dzie lažyć vykupleny Statut VKŁ? Pavieł Macukievič — pra toje, što biełarusy musiać sabie viarnuć6

Pahražajuć za Dzień Voli? Voś što treba rabić45

Tramp zajaviŭ pra stvareńnie amierykanskaha źniščalnika novaha pakaleńnia8

Staŭ viadomy žorstki prysud, vyniesieny žycharu Homiela za «zdradu dziaržavie»1

Kietony: što za rečyvy, jakija spyniajuć stareńnie mozhu i dapamahajuć schudnieć?1

Tramp raskazaŭ pra pieramovy pa «padziele terytoryj» Ukrainy24

Pamior znakamity kadebist-pierabiežčyk Aleh Hardzijeŭski10

bolš čytanych navin
bolš łajkanych navin

Palicyja Dubaja: 20-hadovaja madel z Ukrainy ŭpała z vyšyni na budoŭli14

Palicyja Dubaja: 20-hadovaja madel z Ukrainy ŭpała z vyšyni na budoŭli

Hałoŭnaje
Usie naviny →

Zaŭvaha:

 

 

 

 

Zakryć Paviedamić